最近，收到有幾位朋友的喜訊，佢地不約而同都有咗BB，預產期都係年底，今年2008年原來真係好旺場呀！ Beku，你出世唔怕無人陪你玩了
！
記得我懷胎的初期，好多野都唔識，好迷網！ 後來都係問吓朋友呀，上
Baby Kingdom到睇下人地嘅分享先識多D咋。原來好多檢查係有時間限制的，過咗某個週數就做唔到架啦，而家等我回鐀比大家，同你哋分享吓幾個重要的檢查項目。
OSCAR (度頸皮，測試唐氐綜合症）
travelcake 發表在 痞客邦 留言(0) 人氣()
不知是否Beku越來越大，胎位都開始向下移（如醫生所說，它的頭仔已有一半落了盤骨），所以尿頻的情況更嚴重！之前一晚上1次洗手間 （最多也只是2次），現在可以是4－5次，真的每隔個多時便要起床去洗間。再加上一轉身時，恥骨痛得要命，不可以像從前說轉身便來一個反身轉了過去，是需要4-5次慢慢把身體調整，慢慢轉身才行，所以，現在的睡眠質素真的比從前差很多。
travelcake 發表在 痞客邦 留言(0) 人氣()
Weeks 29-30
~ 嘔咗2次，點解去到成6個幾月都仲會嘔既？
~ 返贊育檢查，第一次驗到尿蛋白，好點擔心，後來姑娘叫我再驗多次，好在無事！姑娘話可能第一次驗咗D分泌物所以有尿蛋白的情況，不用太擔心！
travelcake 發表在 痞客邦 留言(0) 人氣()
{###_albums/aa162/travelcake/Beku/P1460871.flv_###}
Beku，唔知你幾時出世，不過相信你係媽媽個肚內，最多只有三個多星期的時間（已計埋過左預產期，待41週催生）媽媽會好好珍惜每一日每一刻你在我肚內的郁動。
記得由初初的微微躍動，到現在的大動作，都是令人回味，令人興奮的。有時我同爸爸都會唸吓，點解你有時咁大動作呢？究竟你係開心？定唔開心？舒服？定唔舒服呢？或者因為而家你大個咗，媽媽肚內空間已經唔多，所以你郁少少，都覺得好大動作吧！
travelcake 發表在 痞客邦 留言(0) 人氣()
由15週起, 朋友已經開始告訢我要留意有沒有胎動, 說胎動很多時在16-20週開始, 那種感覺時很微妙的. 而在書本上也有說, 第一次胎動的週數+20週便是實際的生產週數了... 這個說法是否有根據, 真的不知道, 但可以當一個小遊戲, 又或者給自己一個鼓勵(只要多等20週BB便會出世了)倒是不錯喔!
其實前幾天也曾有過像胎動的感覺. 試過有一個晚上, 睡至半夜時肚子突然動了一下, 把整個人也驚醒了, 也試過肚子像有條小魚兒游過的感覺. 不過動作太輕微了, 所以自己也不感肯定是不是胎動.
不過, 昨晚終於感覺得有到了
!!! 回到家, 坐在梳化上吃著飯前小食時, 突然感到肚子像有些東西在蠕動了數下; 那種感覺一定不是腸道蠕動或腸內有氣, 是很不同的. 真的很amazing! 很想再次再次感受一下.
travelcake 發表在 痞客邦 留言(0) 人氣()
上週四去健康院覆診，醫生摸肚話個胎已調頭；
跟住週六去私家到照超聲波，醫生都話BB已調頭；
今日返贊育做產檢，醫生摸完肚後都話，BB已調頭，仲話BB頭仔已有一半落咗盤骨。
聽完之後，真係安心好多！因為BB調咗頭仔（即頭仔向下）係順產必要的條件 （不過到時能否順產都要睇其他因素），未調頭的話，就一定要選擇開刀了。
travelcake 發表在 痞客邦 留言(0) 人氣()
好慘！開始作病了！
唔知點解，自星期五晚食完飯之後，喉嚨開始有D乾及痛，仲開始有少少鼻水、兩聲咳，有時仲打下噴嚔添！ 總之感覺好唔舒服，唔係而家先嚟病呀？
尋日咁岩去私家醫生到覆診，咁順便問埋醫生我有D鼻水咁，要唔要食葯？ 醫生竟然說 ： “見你都未係好病，你入嚟咁耐都未“伸“過鼻，唔好食咁多葯了，行多D等你容易D生好過啦！“ （嚟個醫生，有時D答案真係令你 O 晒咀，又唔可以話無道理，但係又．．．唉！）
travelcake 發表在 痞客邦 留言(0) 人氣()
嚟到懷孕的後期，係時候為生BB而作出準備，除了洗衫仔，執走佬袋及開始食D袪胎毒嘅野之外，另一樣好重要嘅事就係
剪頭髮了！
無錯！我覺得剪頭髮真係好重要，試唸下大熱天時，生完Beku已經成身大汗，仲要話生完頭一個月盡量都唔好洗頭沖涼，怕身體入了風，手尾長了（會成日頭暈，風濕等），以我這個油性頭髮，又日日洗頭的髮質一定頂唔順。所以就係上星期，去髮型屋叫髮型師幫我剪短D，仲要有咁薄“偷“咁薄。冒求到時個頭少D頭髮，油“立“情況減少，就算頂唔順要洗頭，都可以以9秒9的速度把頭髮快速吹乾，減少日後的後遺症嘛！
去剪髮前，我曾經有個好愚蠢的問題，就係：“大住個肚，點樣可以平瞓係髮型屋內嘅洗頭椅到？？？ “要知道我平時一平瞓腰骨就會痛，如果仲要瞓係洗頭椅到，等佢用大約30分鐘時間幫我洗頭的話，我條腰實痛到傻咗，起唔到身。後來問過幾位朋友，答案係 ：“先係屋企洗頭，再去髮型屋齋剪咪得羅，或者搵而家好興果D $50/10mins嘅剪髮店“
travelcake 發表在 痞客邦 留言(0) 人氣()
自知道有咗之後，一路都無整過蛋糕，初頭幾個月就嘔到無力，之後就唔想自已太辛苦（整一個蛋糕閑閑地都2個鐘），加上唔知點解又無mood整，所以懷孕咁耐都無整過。
travelcake 發表在 痞客邦 留言(0) 人氣()
星期二晚，真係有D驚慌！
果晚瞓覺，唔知點解個肚臍右側成日好似比野拮吓拮吓痛咁，果種感覺，並唔係平時子宮擴張咁扯住扯住，而係好似有個傷口係肚內咁，但佢拮幾吓跟住又唔會痛，幾分鐘後又再拮吓拮吓咁，攪到我成晚都瞓得唔好，向左側瞓又會痛，向右側瞓又會痛，都唔知麥事？ 不過好肯定唔係陣痛，因為我嘅痛係無規律嘅！
好在，Beku果晚雖然好似郁少咗，但都有郁到，到第二朝都正常地比反應我，有時郁得大力有時細力，咁我先無咁擔心！
travelcake 發表在 痞客邦 留言(0) 人氣()
走佬袋，即入院袋，裏面放晒你入院需要的物資！ 當你發覺就生得時（如穿水、陣痛或見紅）就需要攞埋嚟個袋入院。
travelcake 發表在 痞客邦 留言(0) 人氣()
第4課，即是最緊張的一課，因為今堂係教我哋係生產過程中如何用力及呼吸，做得好，整個生產過程都會很順利，但做得不好的話，好可能就要用上十多廿個小時才能生產成功！所以，老師萬二分叮囑我們回家要好好練習，到入到產房時才會記得，及懂得運用，令生產順利。
當子宮頸開到十度時，姑娘便會將產床的下半部除去，孕婦雙腳就需要放在懸空的腳架上，臂部就坐在產床的最末端，床側有手桿給我們雙手扶著，記緊身體要坐直，盡量坐在產床的中心點，這樣才能使我們平衡發力，及不會因位置不正而弄傷自已。
travelcake 發表在 痞客邦 留言(0) 人氣()
踏入34週，除了食西瓜及付竹糖水外，另一個清胎毒的食譜便是 － 白蓮鬚糖水。
travelcake 發表在 痞客邦 留言(0) 人氣()
已經踏入34週了，距離預產期仲有6個星期，心情越嚟越緊張！ 我當然想Beku係預產期前出世，咁我可以慳返好多產假，等Beku出世後陪佢多D，最好呢，就係一開始放產假3-4日後左右出世，又夠時間準備，又唔洗等咁耐！ 不過，嚟D都係理想化，Beku實際幾時Ready出世真係無人知！
唯一一樣知道的，就係我個人越嚟越容易累！ 其實自7個月起已經開始覺得自已既體力開始差。之前Weekend去行下街運動吓，都可以行2個多小時，但係而家呢，行1個鐘已經好累了！要回家休息！之前因為怕腳水腫（可能我係返office，好多時坐多過行／企，一到放工腳就會腫一點)，所以lunch hour食完飯都會落街走一個圈，咁到放工對腳就唔會咁腫啦。但而家，如非必要我都唔想落街了，寧願食完飯午睡片刻叉下電好過！ 因為返成日工，個人真係好累！
週末雖然早起（可能習慣了七點多便起床），但一定會安排一次或兩次的小睡時間，等自已有叉足電！也等Beku多多休息！ 最近同一個未生過嘅朋友傾開話而家容易累，她說：“睇你個肚都唔算太論盡？應該唔會太辛苦呀？“ 咁我都覺得我除左頭幾個月辛苦D之外，跟住嚟幾個月都OK，但始終要你日日揹住幾磅嘢出街係個肚到，對腰、背、腳及整個身體都算係一個負擔，所以你話唔攰咩？ 實在無可能的！ 不過睇住個日子，仲有6個星期啫，好快好快！而家嘅累可以換來健健康康嘅小Beku，幾攰都係值得的！
travelcake 發表在 痞客邦 留言(0) 人氣()
{###_albums/aa162/travelcake/Beku/P1050827.flv_###}
已經33週多了，其實Beku的郁動都不斷在改變 ，由最初的，好輕微地彈吓彈吓，跟住係大大力地踢你兩腳 或不停在舞動，到現在，係慢慢在蠕動，感覺都很特別很不同。開始好珍惜Beku在肚內的郁動，因為再過多幾個星期，Beku出世後，這種微妙的關係就會消失，beku不會再在我的肚皮內活動，而是活生生的在我眼前出現。
有時都會很擔心Beku不再郁動，試過有一天，Beku好像幾個小時沒有活動，真的很緊張，但當我跟老公研究是否需要入院檢查時，她又會輕輕的踢我一吓； 又試過睡至半夜去廁所後返床瞓，通常Beku都會郁郁下（可能我嘈醒咗佢啦！）但有幾次我去完廁所返上床佢都無動靜，我就會唸．．．點解今晚Beku無郁嘅？ 跟住．．．佢就會突然跳一下等我感覺到，唔知Beku係咪聽到或者知道我唸麥？ Anyway，只要佢有郁，就令我感到好安心！
travelcake 發表在 痞客邦 留言(0) 人氣()
上星期五去了上產前運動的第三課 － 第一產程的舒適方法。
原來整個生產過程可以分為3個產程 ：
1） 子宮開至1－3度。
2） 子宮開至4-10度至生產。
travelcake 發表在 痞客邦 留言(0) 人氣()
講開洗衫嘅問題，BB仔嘅衫除咗要分開洗之外，仲要用專For嬰兒用的洗衣液來洗滌。以前我成日會唸，點解一定要用嬰兒洗衣液？ 用我哋平時用開果D唔得咩？ 果D會洗得唔夠乾淨咩？ 原來，並唔係洗得乾唔乾淨嘅問題，而係．．．BB專用的洗衣液配方比較溫和，化學成份較少，，有些還有殺菌功能，也減少引起皮膚敏感。其實我都會有D懷疑，究竟成人及嬰兒洗衣液係咪真係有咁大分別？但係．．．算啦！為了日後麻煩（BB用了成人洗衣液後真的產生敏感或其他問題），還是買回嬰兒專用的比較隱陣！
travelcake 發表在 痞客邦 留言(0) 人氣()
見嚟兩日天氣好轉，有D風，濕度又不太高，係時候要洗一洗Beku衫了！
travelcake 發表在 痞客邦 留言(0) 人氣()
嚟到33週3days，我嘅肚圍都只係37吋，成3個星期先增加咗半吋，好似好少咁。見其他差唔多週數的人，肚圍好多都已經超越了40吋了！！！ 有時都會唸係咪自已個肚太細唔正常？ 不過唸深一層，其實肚細唔緊要呃，最緊要Beku識長大咪得羅！！！ 上週二去瑪麗照3D時，醫生話Beku已經有4.6磅了，成績不錯！ 2星期前還只得3.6磅，估唔到咁快長咗1.2磅啦。如果咁計，一齊順利的話，到39-40週，Beku應該有7磅多了。差唔多啦！如果Beku太重，到時我很難生佢出嚟呢
travelcake 發表在 痞客邦 留言(0) 人氣()
Beku，嚟張係媽媽細個時用過的包被，唔知點解婆婆會將佢保存咗咁耐！ 雖然有點殘舊，但我都唸住等你出世後用返幾次，等你好似媽媽一樣健康成長！！！
到你大個，我就會話你知，原來你同媽媽都用過同一張包被架！！！
travelcake 發表在 痞客邦 留言(0) 人氣()
My life with BeKu (3)
