目前分類:甜品 - 餅乾, 小吃篇 (64)

瀏覽方式: 標題列表 簡短摘要

又是清倉的時間, 只怪之前買得太多, 又停工了一排, 現在襯有時間開工便做多D Cookies and Cakes  . 星期五晚吃過晚飯後, 先搓定曲奇麵糰, 放入雪櫃定型後便去睡覺, 待星期六醒來便可以焗了. 這個曲奇分別給了三組不同的朋友當小禮品, 不知他們吃過後喜歡不喜歡, 但我就很高興可以興他們... 及他們的小朋友一聚, 原來抱小朋友都很累的, 我抱著一個8個月大的卓傑, 由地鐵站行至餐廳... 只是數分鐘行程, 手臂已經開始麻痺了... 是時候多做點運動了

朱古力杏仁曲奇 (參考 : 五星級甜品)

travelcake 發表在 痞客邦 留言(0) 人氣()


昨天整了一個紅莓慕絲蛋糕失敗了, 原因是當我加入已融化的魚膠粉漿時, 沒有即時攪拌, 以至當魚膠粉碰到冷凍的紅莓乳酪漿便開始凝固, 變成一粒粒或一絲絲的魚膠, 令剩餘的魚膠粉漿不足以令整個慕絲餅凝固企身. 所以, 雖然雪了6個小時, 但仍然不能夠成功脫模, 最後, 唯有用匙子舀來吃. 要不是魚膠粉的問題, 這將會是一個好美味的蛋糕, 泡泡茶, 多謝你的食譜!

travelcake 發表在 痞客邦 留言(0) 人氣()

星期二晚, 心癢癢想再做一次Pizza, 於是便在等老公回來吃飯之際, 又再搓一次Pizza麵糰. 這次學精了, 只跟食譜的一半份量來做 (以免浪費所有材料) , 記著朋友的教導不斷搓麵糰. 今次的麵糰搓起來好像真的比上兩次軟熟及有彈性 (我也不知何解, 其實手勢跟之前一樣 ) 之後, 我便把一小碗熱水及麵糰一拼放入焗爐內(沒開火的), 焗了約1小時, 中間換了兩次熱水, 不過... 麵糰依然沒有漲大... 

記得有人說過放入微波爐內, 不知是否微波爐比焗爐密實? 於是我又試把麵糰+熱水放入微波爐內, 但結果都是一樣...  就在我想把麵糰拋掉之際, 心想 : "反正都失敗, 不如就把麵糰放至明早, 看看經過一整晚的發酵, 麵糰會是怎樣?" 於是我便把麵糰蓋上保鮮紙, 然後再用濕毛巾蓋上, 我便去睡覺了!

travelcake 發表在 痞客邦 留言(0) 人氣()

-7.jpg

唔知點解, 今朝起床後, 個頭鬼死咁痛, 仲越黎越痛添!!! 真係好鬼怕頭痛, 次次頭痛都攪到無晒心情, 連街都唔想出. 忍無可忍, 終於食左粒必利痛, 情況好似好D, 無咁痛, 但真係攪到勁無mood, 下午本來同老公&他的朋友一齊去飲茶... 最後只係老公一人去! 變相... 今日一個人係屋企忍痛靜修

尋晚租左韓戲<<�醜女大變身>>返來睇, 又真係幾攪笑, 女主角(金亞中)個肥婆look其實都幾cute, 當然, 都係瘦版靚好多啦, 其實尋晚已經睇左次, 咁我見今日係屋企麥都唔想做, 咪又播多次黎睇, 唔係... 係播左2 次, 一次廣東話版, 一次韓文版 點解睇咁多次? 哈哈... 第1次係主要無聊所以睇, 但睇睇下, 就開始研究吓, 竟然女主角真人有沒有整容 (係咪好無聊呢???) 總結 : 我覺得個女主角有D似舒淇, 又有D似徐若瑄, 同時又有D似全智賢及金泰希.

travelcake 發表在 痞客邦 留言(0) 人氣()

這個weekend真是身心疲累, 因為我做了兩次Pizza皮, 兩次都全軍覆没!!! 

原本這個weekend想做紅苺mousse的, 後來發覺家裏還有一大包高筋麵粉未用完, 而且剛剛到期了, 為免浪費這包麵粉, 最後選擇了做Pizza. 

travelcake 發表在 痞客邦 留言(0) 人氣()

好耐之前已經想整黎個批, 但一直"dic"唔係心肝整, 星期日下午一個人在家, 本來唸住整黎做晚飯, 點知搓搓下皮時, 朋友打黎話約埋一齊出去食飯, 就咁... 個皮就放係雪櫃2日, 今晚先有機會整. 

因為中醫師叫我盡量唔好食蛋及雞, 所以, 我無依食譜加入雞蛋, 但原來無加蛋的話, D芝士係唔夠力Gel住D奶&忌廉的, 所以焗完之後唔係太實淨 ( 下圖 : 切開一件件後, 個批會"塔"左落黎), 都會有D奶水流出來. 如果想睇起黎靚D, 下次都係加返隻雞蛋了!

travelcake 發表在 痞客邦 留言(0) 人氣()

桂花糕一直都在我的Must do list內, 但總是忘記買桂花糕的主要材料 - 桂花糖. 

那天經過在灣仔街市內的上海舖, 便順口問問 : "有沒有桂花糖?", 店員即刻說 :"有" 便順雪櫃內取了一瓶不起眼的桂花糖給我... 盛惠$20. 

travelcake 發表在 痞客邦 留言(0) 人氣()

這三天不停地拜年拜年又拜年, 每天也要趕幾個不同的長輩/朋友家, 身心都很疲累, 真的比上班還要"搏命", 明天便要上班了, 實在令疲累的身體再往下沉... ...

今年除了準備了杏仁曲奇作小禮物給至親之外, 還另外弄了 - 車厘哥夫曲奇及椰子曲奇. (向部份沒有收到曲奇小吃的親友致歉, 因為小妹只有一個小焗爐, 實在沒法子進行地下工場式的大量生產, 唯有留待日後補送吧!)

車厘哥夫曲奇我今次弄了原味及修改了食譜做成朱古力味, 不過媽媽說朱古力味的不夠濃, 我想是朱古力粉加得不夠多吧. 好! 下次我會加多一點朱古力粉了, 再做出來給大家試試.

travelcake 發表在 痞客邦 留言(0) 人氣()

每逄新年我都不需要準備什麼中式糕點, 因為奶奶會做蘿蔔糕, 芋蝦, 腰果... 賀年小吃. 媽媽這兩年也開始自製蘿蔔糕, 所以, 暫時我都不用學. 所以每年新年, 我都會自製數款西式小吃給他們. 

先送上剛剛出爐的杏仁曲奇. 杏仁杏仁, 人人幸福, 相信對每個人來說, 無論有錢沒錢, 幸福是最緊要的, 所以讓我用這個杏仁曲奇來跟大家拜個早年. 祝大家恭喜發財, 豬年行大運, 豬籠入水, 心想事成, 萬事如意, 身體健康, 一帆風順, 大吉大利, 步步高昇, 幸福快樂... ... ... ... 恭喜恭喜~~

travelcake 發表在 痞客邦 留言(0) 人氣()

老公&我都很愛吃朱古力, 越濃越好(不過極限也是70-72%, 試過85%的但味道有點酸, 我們都不愛吃). 所以這個情人節特別準備了HomeMade Chocolate跟他慶祝.

我上星期已經在吉之島買了所需的用具, 星期一請了一天大假在家裏休息, 原本想給他一點神秘感, 留待情人節當天才送給他, 但"大頭蝦"的我沒有把拍好的數碼照片上輸到電腦上而被他發現了. 令這個Ganache chocolate成為事先張揚的情人節禮物... ...

travelcake 發表在 痞客邦 留言(0) 人氣()

老實說, 我好像沒有試過車厘哥夫曲奇, 所以不知道這個口感是否真的跟車厘哥夫出品的一樣. 不過, 可以說這個曲奇真的很鬆化美味. 而且, 我發現這個曲奇是不需要雞蛋的. 所以不會因為家裏沒有雞蛋而不可以弄甜品了

車厘哥夫曲奇 (參考Ronnie食譜) 

travelcake 發表在 痞客邦 留言(0) 人氣()

上年去新加坡, 帶了一些自家製的小食給相熟的同事作小禮物, 今次, 當我剛剛知道開會日子的時候, 已經有同事用MSN說"等著我的小食..." 真是"比面". 

昨天在家, 便弄了這個伯爵曲奇(Earl Grey Cookie), 合桃曲奇&杏仁瓦片三款小吃, 新加坡很多人, 我只有盡力地弄足夠的份量給相熟的及自己部門的同事. 希望今年弄的這三款適合他們的口味吧

travelcake 發表在 痞客邦 留言(0) 人氣()

今個聖誕節, 算是草莓塔的世界, 因為我總共生產了2次草莓塔, 分別給3個聚會的朋友品嚐. 這個草莓塔的味道很美味. 一般都以為草莓塔, 內餡一定是吉士醬, 但是, 這個塔卻用上了杏仁奶油霜餡, 甜度適中之餘又帶有陣陣杏仁香味(不過很多朋友以為是椰絲), 非常可口美味. 

草莓塔 份量 : 18x3cm菊型塔模2個 (參考:藍帶法國糕點基礎II)

travelcake 發表在 痞客邦 留言(0) 人氣()

雪櫃內還有一些曾經溶過的朱古棒子醬 (是之前做了一個失敗的瑞士卷所剩下), 已經放了數星期, 再不用的話便要"報銷"了. 剛巧問朋友借了一本<<�名廚名店高名氣烤果子>>, 裏面有一款在Oak Wood餅店售賣的"榛果貝殼酥餅" 是需要用朱古力醬淋面的. 做這個酥餅的話, 一方面可以把雪櫃內的朱古力醬用完之餘, 另一方面又可以再試一試唧花曲奇的技巧,  實在沒有籍口Say No.

這個酥餅的型狀, 本來要造成貝殼型的, 可能是我的唧咀跟食譜的要求不同吧, 怎也唧不出貝殼型, 最後只有唧成花花長條型吧

travelcake 發表在 痞客邦 留言(0) 人氣()

下午去完貓友會後, 會跟老公會合去另一個飯局, 就是到上司的家作客, 雖然老公不是第一次上去, 但我卻是第一次(又一個緊張位!!!), 我想, 在這個飯局內, 我跟老公都是Small Potato (不論是煮食經驗&工作經驗). 咸點我不敢獻醜了, 唯有弄個甜品小吃在飯前或飯後小點吧.

他們很愛吃杏仁瓦片的, 不過今早才發現家裏的杏仁片用完了還未入貨 (真失策!!!). 所以, 今次便試試這款椰子瓦片! 跟杏仁瓦片做法差不多, 也是非常簡單, 我試了幾片"燶"了的制成品, 都OK, 很脆口! 希望他們會鍾意啦~~~

後記 : 完來今晚唔係去上司家作客, 而係有另一上司請客, 慶祝佢囡囡Helen手術成功!!! 我真係大頭蝦, 咁都攪錯, 不過唔緊要, 盒瓦片都一樣成為佢地既席前及飯後甜品  係到要再一次恭喜Helen妹妹手術成功

椰子瓦片 (食譜參考 : 藍帶法國糕點基礎篇II)

travelcake 發表在 痞客邦 留言(0) 人氣()

明天是我第一次出席貓友會活動, 心情當然非常緊張! 因為我本身是一個慢熱的人, 很擔心自己能否融入他們這個圈子? 希望可以啦!!! 真的很期待明天的約會.

今次我準備了泰式椰汁西米糕出席活動. 我還是第一次弄這個西米糕, 所以昨晚先預習了一次, 可惜失敗了, 原因是西米煮不透, 椰汁的糖份又太多. 有了昨天的預習, 今晚弄這道甜品時比較有信心. SO Far都不錯, 今次我扣減了糖份, 所以不太甜. 不過因為昨天的椰漿煮得太稀, 所以今晚我把煮椰漿的時間加長了, 反而煮得太久, 質地好像太GEL, 引到倒出來的椰漿不太平滑, 下次再弄的話, 可以再研究一下煮椰漿的時間.

泰式椰汁西米糕 (參考蔡師奶食譜)

材料

travelcake 發表在 痞客邦 留言(0) 人氣()

昨天下午, 做了一個朱古力果仁戚風蛋糕(因為時間太趕, 在未拍下照片時, 蛋糕已經被老公取走了), 不過, 這個小小的6吋蛋糕, 竟然用了6隻雞蛋, 原因是... 我竟然把鹽當成砂糖, 跟蛋白攪拌在一起. 慶幸在與其他材料攪拌前發現, 不然我整個蛋糕就白費了. 正因如此, 我家裏突然剩下很多蛋黃. 要知道蛋黃是不能夠存太耐的. 所以我便立即找尋法式燉蛋 (Cream Brulêe)的食譜試一試.

初初還以為不成功, 因為跟食譜說焗了20分鐘也沒有起色, 還是稀稀的, 後來再焗多10分鐘左右, 有點像樣了.便加上砂糖焗至焦面. 試食一口, 真的不錯喔, 很香很幼滑, 可以Encore呀. 下次用剩的蛋黃就不用再抛進垃圾筒了.

travelcake 發表在 痞客邦 留言(0) 人氣()


今晚同朋友食完飯, 返到屋企, 心血來潮想做個小蛋糕聽日去哈囉喂時當宵夜食. 所以就做左黎個黑芝麻, 原食譜用黑芝麻粒, 但我今次就用攪拌機將芝麻粒磨成芝麻粉黎用. 第一啖食落口就好似唔夠甜咁(可能今次我扣多左糖啦), 但趙多兩下, 就滿口都是芝麻味. 好香呀 (**不過芝麻好熱氣, 食完要飲返杯涼茶先~~~)

黑芝麻(食譜:參考為食貓)

travelcake 發表在 痞客邦 留言(0) 人氣()


因為老公黎個星期放假, 所以我今日都請返一日假陪下佢 (其實係叫佢留一日陪我, 呵呵!!!) 上星期問朋友攞左黎個朱古力太軟食譜, 今日終於有時間整了.

一早起身就整定個心太軟內餡先, 跟住晚上食完飯返屋企就整個外皮. 做黎個心太軟通常都用鋁質布甸模或錫紙模整, 不過我兩樣都無, 唯有用之前買落既花型鋁質模試下啦, 點知... 可能個內餡份量太多, 又或者個花型模唔夠高身, 所以攪到個外皮好薄, 一倒出黎個蛋糕就穿左. 流晒D心太軟出黎... 好失敗呀!!! 下次再整的話, 都係用紙模/錫紙模隱陣D. 

travelcake 發表在 痞客邦 留言(0) 人氣()



黎個食譜其實好早之前已經Print左出黎, 但一直都無機會整, 尋晚去完朋友屋企食完飯後, 終於去左惠康買左包黃糖返黎整黎個華田曲奇.

用黃糖焗曲奇我都係第一次, 我覺得曲奇焗出黎香D, 但可能黃糖同砂糖質感唔同(又或者其他材料分量比重唔同都有影響), 所以曲奇焗出黎係比軟脆口而唔係鬆化

travelcake 發表在 痞客邦 留言(0) 人氣()