Week 17-18

~ 踏入2008年, 最大心願係一家人健健康康, 齊齊整整, 順順利利生Beku出黎!!!

~ 嘔少很多, 偶然嘔一次, 已經很滿足了.

~ 17weeks 6days , Beku重約200g. 而我的體重亦開始上升... 而不再是下降了. 4週重了5磅, 多左少少, 醫生說約1週1磅就理想!  不過我之前嘔得咁勁, 重多1磅都唔過份

~ 朋友話由16週起開始要留意胎動情況, 我一直都很期待. 11Jan, 半夜beku好似踏左我一下... 但唔肯定, 始終我未感受過嘛!!!

~ 大便有血, 醫生說可能是初期的痔瘡問題, 很多孕婦都會有, 塞了3天葯, 情況好了! 已沒有出血煩惱! 醫生說最緊要食多些菜, 生果吸收多D纖維就無事啦!

~ 尿頻 : 常常有尿急的反應, 試過岩岩去完廁所, 剛離開Toilet便又有尿急的反應. 主要原因胎盤壓著膀胱, 所以, 就算上完廁所, 有時很快便會有再去廁所的需要. 晚上瞓覺時, 很多時要上2-3次廁所. 

~ 朋友比了一些二手孕婦服及BB衫, 好呀! 好開心, 因為可以慳返好多呀!

Week 19-20

~ 因為沒有什麼特別異樣, 所以贊育轉介我去健康院檢查... 不過政府的Service真的跟私家差很遠... 同樣人多要等... 但私家會幫你照超聲波, 看看BB size及心跳等, 看看有沒有問題... 但政府呢, 只會用心跳機聽心跳, 由第一次到贊育登記到現在... 都未在政府照過ultrasound (除了參加了research而附送的3D ultrasound)

~ 18Jan, 真的! 是胎動呀! 好明顯感覺得到. 好奇妙呀!  

~ 側瞓 : 平側的話, 胎盤會壓著腰骨, 很容易會有腰骨痛, 所以我會盡量側睡, 以減低腰部受壓.

~ 開始留意BB用品, 朋友教路! 過了三個月, 胎兒穩定後便可以去睇下 BB用品, 慢慢研究下邊款合自己心水, 到百貨公司大減價時去購物就最好! 有時, 續少續少買回來, 不用一次過買咁辛苦... 所以, 見自己情況好了點, 我每週六日便去一去太古逛逛永安, Apita及吉之島, 慢慢了解BB用品. 原來... BB用品有的很多品種, 真睇到眼花遼亂. 

~ 肚圍有33吋了! 不過看起來肚子還不是很大. 

~ 發覺如果坐office一天的話, 到放工時會有腳腫(我的腳早上著係有少少鬆, 但放工就會有D迫), 應該是坐得太久, 加上Beku壓住D血管令血液流行得無咁好所致. 如果lunch hour落街走走, 情況會好D, 腳無咁腫, 所以雖然我帶了飯盒, 但吃完飯後, 都會落一落街行下, 順便買個飽作下午餐

Week 21-22

~ 21週 Beku已經有350g了. 而我的體重都穩步地上揚

~ 過年前到贊育進行結構性檢查, Beku 一切正常, 醫生還告訢我Beku是囡囡呢... 好開心!

~ 第二次到瑪麗照3D, 今次可以看到Beku的樣子, 哈哈... 我笑到見牙唔見眼... 睇住張相, 好想去私家照4D... 

~ 22週 Beku已經重468g了, 即有1磅多啦.

~ 農曆新年到了! 雖然Beku還未出世, 不過已經有很多uncle auntie派利是比佢啦... 各位Uncle Auntie, Beku下年會親自同你地拜年架啦

 ~  哈哈... 在網上看見一些可愛的BB用品, 忍唔住買了幾件!

 HELLO KITTY睡袋60x70cm小兔防水透氣尿墊 - 米色

arrow
arrow
    全站熱搜

    travelcake 發表在 痞客邦 留言(0) 人氣()