Travel 。CaKe

今日下午, 上咗我第一堂的產前運動. 之前有朋友在另一家醫院上過, 佢話第一堂通常只係睇播影帶, 無麥點教的. 所以都唔抱太大期望. 但估唔到贊育醫院既產前運動班咁堅, 一上堂便開始教授, 感覺充實好多!

上完黎一課, 我覺得產前運動真係好重要, 原來在懷孕嘅十個月, 身體機力係會為生育而改變的, 所以, 我地D筋骨開始鬆, 而且越黎越鬆, 盤骨開始擴大, 全部都係為生育而作準備. 同時, 因為我地陀住個胎十個月, 某程度上, 身體係黎十個月係負苛過重, 所以, 處理得唔好, 很容易產生腰骨痛, 恥骨痛, 水腫, 抽筋... ... 病徵, 如果沒有做運動的話, 情況可能會惡化, 甚至有後遺症, 生完BB後還會周身骨痛. 不過最重要係, 如果有做一些適當的產前運動, 不但可以減少痛症, 生起黎都會容易D, 唔洗係產房痛幾十個鐘都生唔到, 黎個至係main point!!!

今日第一堂, Miss教左幾個針對性的運動 :

1. 腳部運動 - 防抽筋.
2. 腰腹運動 - 啟動"天然腰封", 同時矯正腰部及盤骨的姿勢.
3. 腰腹運動 - 防止背痛, 有助血液流通.
4. 會陰運動 - 增強會陰的收縮力, 有助生產.

除左運動之外, Miss仲教咗我地正確的 :

1. 坐姿.
2. 躺下及起身的姿勢.
3. 盤骨的闊度.

唔上堂都唔知, 原來日常生活, 姿勢做得唔好, 就會影響我地嘅盤骨位, 腰骨及頸部. 如果我地懷孕時都唔做d運動去加強對身體既保護力嘅話, 生完... 痛苦嘅就係自己, 老咗亦會有好多問題出現. 聽完之後... 真係要好好咁, 每晚做d產前運動啦.