之前電視台有套叫“師奶唔易做“既劇集，真係講晒所有“小師奶“既心聲。其實，不單只師奶唔易做，孕婦都唔易做！
以前成日會覺得大肚之嘛，有幾難？身邊的朋友懷孕不久，好像是眨吓眼，幾個月後就話生咗個健健康康的小BB。你又睇吓D十幾歲既小妹妹話咁易就有咗就知唔難啦！（唉！都話明佢哋係十幾歲卜卜脆啦，所有機能都好Fresh，又點同我地嚟D比較？）說實在話，當自已真真正正開始計劃懷孕到現在，不論發生在自已身上的，或朋友身上的，或在網上看到的，其實都發現，要懷一個小生命並待它能夠健康成長至出世，其實都不是容易事．．．．．．
～ 有的試 過懷著双胞胎，每每一上班便流血，需要卧床休息，最後還要住院觀察，幸好最後沒事，現在已懷了6個月了。
～ 有的試過在最初的數週，找到不胚胎， 流啡／流血，或是胎兒沒有心跳，無色無聲的情況下，小生命離開了自已。
～ 有的在懷孕中期，發現了蛋白尿（蛋白尿可令胎兒停止發育）最終要終止懷孕。
～ 有的在懷孕後期，胎兒突然心跳停止，胎死腹中。
～ 有的計劃了很久，用了很多方法，都未能成功懷孕！
～ 有的成功懷孕了，但最終因為身體的某種因素，最終小生命不能健康成長！
所以，能夠順順利利地懷著小生命至生產，原來都不是一件易事！當小生命能夠健康成長時，又要身邊的人懂得體諒／關懷，為孕婦營造一個安樂／舒服的環境，這樣才不致孕婦容易患上產前／產後抑鬱。說實講，自懷孕後，我終於明白為什麼政府要立例保護孕婦的權益，原來，現今的香港社會，依然有不少歧視孕婦的人存在！他們大多會不滿為什麼孕婦常常要去覆診？為什麼流少少血便要卧床不上班？為什麼可以享有10週產假咁著數．．． 其實真係唔明白，點解佢地會有咁既唸法？
所以，其實孕婦真係唔易做，因為整個階段都會面對或擔心不同的問題出現，如果個個都可以做到100％無困難的孕婦，你話多好呢？
全站熱搜
留言列表
My life with BeKu (3)
