Travel 。CaKe

估唔到嚟個颱風“浣熊“咁勁，除咗為香港帶嚟40前來最早的一個三號風球之外，仲帶嚟黑色暴雨！！！

當尋日下午四點幾開始掛黑雨時，起初都唔覺得有D麥野，只係覺得又大風又大雨，老公仲要返工，又有緊要野做返唔到嚟真係好慘！ 咁我唯有自已一個留係屋企，將D窗關晒佢啦！好似以往打風咁，只開少少氣窗“頭頭氣“。點知，黎個＜浣熊＞真係唔簡單，竟然將D黑雨由小小既氣窗吹入屋 內，不單攪到個假天花有水點，連整個窗台都弄濕了，窗台附近的地板也有水質。真係誇張！


以前就算打八號風球都未試過咁勁！我嗱嗱淋連個氣窗都關埋佢（粗身大細你仲“琴“高關窗？無呀！ 我只係攞把摭鈎隻窗隻咋！）唸住安全啦！ 點知．．．突然聽到廁所有D “Bang ling 𠾐𠾐"嘅聲，原來廁所入面把抽氣扇嘅擋風葉爛咗，而家係到半天吊，所以D風一吹嘅話佢就會左右搖擺，撞落隻窗到所以“𠾐𠾐聲“。點解老公唔係到先 有咁多事架？又想老公早D返，但又知佢好鬼忙，真係呢．．．嚟個颱風＋黑雨都攪到我成晚都“囉囉攣“呀！

好在，今朝起身浣熊走了，黑雨紅雨黃雨都除下了，雨過天晴，個人都開心D，仲特登落街買咗份早餐食！ 不過呢．．．老公就慘了，仲未收得工，仲係公司做野，希望佢可以快D做完野返嚟休息吓啦！