Travel 。CaKe

見嚟兩日天氣好轉，有D風，濕度又不太高，係時候要洗一洗Beku衫了！

有人話BB衫要手洗，其實薄薄一兩件衫，紗巾等用手洗是沒有問題，如果一大堆衫／厚衫都用手衫的話，相信需要很多很多時間及精神。上網見其他媽咪分享，其實都可以用機洗的：
1）先加少少洗衣機＆滴露，空機洗一次後，便可以放入BB衫清洗了。
2）買一部細細部的私家嬰兒洗衣機（聽說數百元有交易）。

我屋企咁細，當然唔會選擇買部私家洗衣機啦！ 尋晚見天氣乾乾爽爽，又有D風，係時候開始要洗Beku衫了，於是先將洗衣機空機洗一轉後，便開始洗Beku衫仔。其實嬰兒衫細細件，一次過真係可以洗好 多件（我今次都洗咗30多條紗巾，3對腳套／手套，3條口水肩，4張薄包被，N咁多件衫仔／和尚袍），但係洗完後掛起上來真的很花時間，我們差不多用了大 半個小時才完成。這只是冰山一角，還有很多衫仔未洗呢！！！ 我已經進行分流程序，太大件的，或厚身的冬天衫，將會待Beku出世後才處理。

我地已經執好咗2格櫃桶放Beku衫仔，我唸．．．應該夠用吧！

P.S. 以前覺得屋企的衣夾太多，用極都用唔晒，但尋晚一機Beku衫，已經用盡我家所有衣夾了！真係估都估唔到呀！