Travel 。CaKe

上週四去健康院覆診，醫生摸肚話個胎已調頭；
跟住週六去私家到照超聲波，醫生都話BB已調頭；
今日返贊育做產檢，醫生摸完肚後都話，BB已調頭，仲話BB頭仔已有一半落咗盤骨。

聽完之後，真係安心好多！因為BB調咗頭仔（即頭仔向下）係順產必要的條件 （不過到時能否順產都要睇其他因素），未調頭的話，就一定要選擇開刀了。

其實由28週照4D時，醫生已經話BB頭仔已經調頭，不過話雖如此，但因為肚內空間還多，所以BB還有機會係肚內玩“巴黎鐵塔反轉再反轉“，將個頭仔又調 返上上邊（即頭仔向上）所以未到36週都唔可以100%肯定BB頭仔已調頭 （36週後，肚內已沒有多餘空間，所以再調返頭的機會就好細好細）。

所以，而家總算符合順產的第一要求！ 而且，醫生還說BB頭仔已有一半落咗盤骨啦！ 咁．．．係咪意味著Beku已準備就緒，隨時出世呢？ 不過又好奇怪，雖然話頭仔已有一半落咗盤骨，但最後醫生都要補充一句 ：“如果40週都未生得，咁我地就會係41週幫你催生架啦，有無問題？“ 咁即係BB有機會係預產期前出世？還是會遲過預產期呢？

Beku, 你要乖！我又唔想你太早出來，又唔想你遲過預產期，最好呢，放產假後2－3日出世就perfect啦！