今日係最後一次返瑪麗照3D,不過,因為Beku已經好大,身體都貼住胎盤,所以照3D並不是太清楚,醫生主力都係以照2D為主。 其實全程醫生都無麥講解,可能見我已經到懷孕後期,要知道的都已知道,所以她只跟著她要研究的地方來照,如:量度頭圍,腳骨長度(其實唔知係咪腳骨,只見 醫生照過兩條骨),動靜脈及心跳率等等...

不過最基本嘅資料,醫生都有話我知:

1.BB頭仔已調頭。落咗盤骨未? 落咗D啦 (上次贊育個醫生話落咗一半,咁係咪個胎升返上去呢?)
2.BB重6.875磅(即3.125kgs) 嘩!好似好重咁,如果Beku 40週先出世咪成七磅七?(以每週加0.2kgs計)

臨走前,通常醫生都會print一張胎兒的樣子給我留念,以答謝我們幫他們做research的報酬,不過今次卻沒有,原因是 :

醫生說 :“哎也,BB個面背住咗我哋,影唔到個樣比你睇添。“

我說 :“咁係咁即係BB背向我肚皮呀? 咁咪易生D羅?“

醫生說 :“係呀,BB背向肚皮,咁嘅位置生係最好架。“

我說:“係呀!之前上運動班導師都係咁講,所以影唔到相都唔緊要,最緊要係個胎keep住嚟個體位,咁我就易生D又生得快D嘛。“

Beku,你好乖呀,背向肚皮,無壓住我嘅腰骨,等我生時容易D,而家你要keep住嚟個體位呀,到你ready時,我又唔洗痛咁耐,你又唔洗係產道辛苦咁耐,就可以好快見到爸爸媽媽架啦!!!

arrow
arrow
    全站熱搜

    travelcake 發表在 痞客邦 留言(0) 人氣()