Travel 。CaKe

事緣今日去健康院覆診，醫生問我 ：“個胎有無郁呀？ 有無郁少到？“

我答 ：“比之前少D囉。“

醫生問：“之前嘅意思係幾耐之前？ 幾日？咁郁得勁唔勁？“

我答 ：“係羅！比前幾日少DD羅，但都郁得幾勁架！“

醫生 ：“如果係咁要入院check吓喎。“

我問 ：入院？ 去瑪麗？ 而家？“

醫生 ：“係呀！ 而家呀，即刻去添呀！因間我會叫出面寫紙比你，你攞住D文件去瑪麗K9S就得啦！“

就係咁！ 我就去咗瑪麗做檢查！ 其實我嘅意思只係話比之前少DD，又唔係講到話少到無，但唔知點解醫生咁大反應！仲話佢郁得勁可能係佢唔舒服呢？所以要我即刻入院檢查？ 攪到我都驚驚地。不過醫生話如果檢查咗無事就可以即刻出院，所以叫我唔洗返屋企執野住，真係要入院，先叫屋企人羅野去。咁我去完健康院，食少少野就坐車去 瑪麗！

上到瑪麗，跟德恩所說的一樣（佢之前都試過因同一原因要返醫院檢查），先做了簡單的磅重，量血壓，量體溫及驗尿，跟住呢，就係你肚皮上駁機測胎心跳及胎動 次數，又會比個手掣你，只要你感覺到胎動便按一下，為時約30分鐘。果30分鐘其實都幾漫長，可能係健康院比醫生嚇一嚇，攪到我好怕Beku會唔郁或有麥 野事？ 跟住又要留院觀察等等．．．

好在！ 整個過程Beku都好乖有郁, 雖然力度比前弱，但姑娘話有郁就得啦！ 唉！真係比健康院個醫生嚇死！以為真係會有麥事發生，不過學老公話齋，佢都係為安全起見啫！因為醫生唔知我所講郁少咗係去到邊個程度，所以叫我去 check吓都係正常嘅！ （咁又係！入到病房，見到有個孕婦話佢個胎每日只3－4次，聽到都驚驚地）

不過檢查過程30分鐘，但等醫生睇報告再批準我出院，就足足等了差不多2小時先走得！ 攪到成七點鐘先離開瑪麗，真誇張！