我們家的新成員- 小Beku已經於6月8日(端午節)出世啦! 整個生產過程都很刺激,當然,唔少得嘅就係 - 痛痛痛!!!

6月7日,星期六,黑色暴雨警告,全個香港好似被水浸的一天。10:00am聽完收音機話灣仔至中環一帶水浸釀成大塞車後,我就起床去廁所,誰不知見紅 了!!! 心唸,唔係嘛? 灣仔至中環大塞車,咁我點坐車去瑪麗??? 難道真係要坐地鐵??? 之前老公已經問過朋友,由我家至瑪麗醫院,就算塞車的話,最多只需1小時就到瑪麗。點知!人算不如天算, 就因為一個“黑色暴雨“,我哋用咗30分鐘坐地鐵去中環,再用1hr30mins坐的士由中環往瑪麗醫院! 去到瑪麗,仲要D lift 入晒水,只有2部可以上落... 真係激呀!

上到待產病房後無耐仲穿埋水,跟住等到晚上八點,就被推入產房催生! 初初D藥力未到,自己D陣痛又唔算太勁,都仲好可以有講有笑,仲以為自己咁強頂得順D陣痛。但慢慢D陣痛越來越強,開始唔識得笑,面目扭曲,每次陣痛,四 肢都不由自主地抓緊著。可憐的Beku有個咁怕痛嘅媽媽,所以就算陣痛的頻密情況已接近生得,但子宮口還未開!!! 在產房待了8小時都只係開得2度,都幾失望!後來,多得另一助產士的提點,叫不要再咁緊張,每次陣痛應盡量放鬆,起碼不要再四肢抓緊,不然就算子宮口想 開,到最後也被我的“緊張“迫令子宮口開唔到。

又講得幾有道理喎!跟著老公每次見我痛得四肢抓緊時就叫我放鬆,把我的手/腳拉鬆,結果...大約2個小時後,子宮口由2度開至8度,生得了生得了,助產 士立即準備,於大約15-20分鐘內,就誕下了小Beku。(我覺得陣痛的過程,比生產的一刻更痛!)好在有這位助產士的提點,不然,最後痛了10多20 小時,可能也落得開刀下場!!!

小Beku昨天已跟我們回家了,現在正學習如何當母親及照顧她,不過小Beku的中氣很足,每天一定也會用盡她的氣力地大哭,我們也正在努力研究每次大哭的原因,希望能盡快了解小Beku的嬰兒世界,盡量配合 ! (首先,我們先得奉獻睡眠及玩樂時間
arrow
arrow
    全站熱搜

    travelcake 發表在 痞客邦 留言(0) 人氣()