Travel 。CaKe

我地而家成日有一個問題，就係我地究竟應該抱BB？ 定唔抱好？

好多時，親友嚟到我家祝賀我地時，一見到我地抱住Beku，第一句就會話 ：“抱慣晒！“ 老實講，初初同Beku由醫院返屋企，我地真係盡量唔抱，就算佢歇斯底里哋喊，我地都唔理佢，不過，見佢真係好用力去喊，喊到聲到沙，喊到無晒安全感，以 為無野食而餐餐都用九秒九速度去飲奶，就覺得唔抱係咪一個良方？ 如果為咗唔好抱慣而令BB對父母，對黎個家無晒安全感，我真係唔想，同埋見到佢每次歇斯底里地喊，喊到聲都沙晒，真係好怕佢喊喊下會窒息．．．

後來問過朋友及上網睇D網站留言，知道原來初生BB喊並不是如我地想像般係到扭抱，佢地喊係因為黎個只係唯一嘅方法話比人知，佢地肚餓，大小二便，好涷好 熱等； 佢地想抱，係因為BB仲未習慣／仲未知道自己已離開咗媽媽個肚，所以當我們抱佢時，就令佢感覺自已好似仲係媽媽個肚到咁，增加安全感（所以點解初生BB要 用包被，要用米袋都係同一原因）有了安全感，就能夠慢慢習慣離開媽媽肚後的生活，慢慢可以同父母互相了解，展開成長的新生活。所以，抱好唔抱好？ 有時真係好難取捨！

當然，我而家所講係初生階段，當BB成長至數個月後，它要的就真的是“扭抱“，並不是安全感。