Travel 。CaKe

係呀！乳線又塞咗！真係好怕，之前試過一次，嘩！痛到飛起，個乳房會有一舊好硬好大舊嘅硬塊，唔小心“high"到都超級痛。最慘係．．．你唔將舊硬塊推 走，問題永遠會存在，痛楚會越黎越痛，問題又會越黎越大，最後可能會變成乳線發炎，要食抗生素，到時就餵唔到奶了，乳房又腫到一舊舊咁，可能要入醫院醫 治，仲煩！

其實點解會塞，主要因為其中一組嘅乳線塞咗，D乳汁唔可以暢通咁流出黎，只要乳線再度暢通的話，乳汁能夠流出，問題就會解決，硬塊亦都會消失。經過上次嘅 經驗後（早幾日試過一次，初初唔知，仲以為粒硬塊係乳房內的組織，所以都無麥點理，點知硬塊越黎越大先知道係乳線塞咗），今次當我一感覺到有硬塊後，我就 係泵奶時係咁推走粒硬塊，希望盡快令乳線通番，咪以為推吓推吓唔痛，感覺就好似係傷口上灑鹽咁，痛上加痛，但係都無辦法，你唔忍受吓黎種痛，如果乳線通唔 番，之後嘅痛楚將會更厲害，更痛苦 。雖然我都好努力推，但都唔係一次就可以令塞咗嘅乳線暢通返，我用咗一日多嘅時間去處理，粒硬塊先消失咗，個乳房先無再痛咋！

所以 ，我而家醒目了，每次泵到尾聲時，都會用手推一推乳房的四周，希望盡量將乳房內的乳汁推出，減少再塞的機會！