係呀,Beku前日開始沖Milk Bath,成份有媽媽奶 +溫水,上網見D人話咁樣BB嘅皮膚會滑D喎,等我試多幾日,睇吓係咪真先。用媽媽奶(人奶)嚟到BB沖涼會唔會好浪廢? 唔會啦,因為我個冰格實在有太多儲備了,唔用的話,過咗期就仲浪廢呀。

可以話我好好彩,雖然在醫院果幾日未上奶,要補奶粉,不過經過Beku的密密食後,一個星期就已經唔洗補奶粉,奶量都升得唔錯,加上Beku唔大食(我想 佢食多D都唔得!)所以我而家每日嘅奶量,除咗夠佢每日嘅食糧之外,仲可以將其中一次泵出黎嘅奶變做冰奶,放入冰格儲存以防不時之需(如:突然奶量下跌, Beku唔夠食; 病咗要食葯,無得餵奶等等)。由六月尾開始儲到現在,touchwood我都無病無痛, 未試過用冰箱的儲備(只係試過2次解涷D冰奶比Beku試吓)所以個冰格都放滿了,已經再無位置放入新泵的奶,所以為咗唔好晒D舊奶 (冰奶儲存期為2個月),用嚟幫Beku沖涼都唔錯呀。你可能會問,咁你每日泵少D咪得羅? 其實我一天只泵4次,已經算好少了,再少的話,我又怕到遲D Beku食量增加咗,到時我唔夠奶比佢食呢。

上次同朋友傾開,佢話都可以攞D奶嚟洗面喎,我又唸唔到,等我遲D試下先!
arrow
arrow
    全站熱搜

    travelcake 發表在 痞客邦 留言(0) 人氣()