Travel 。CaKe

媽媽手，好多初為人母的媽媽都會有，主要係因為抱得BB多所致，當然，某程度都會係抱BB嘅手勢／角度問題啦！

我同老公都難逃一劫，大家都患有“媽媽手“，不過，位置有少少唔同，我就係手腕內側，佢就係外側，所以而家抱Beku有時都要就住就住，去到某個位置，隻 手係超痛用唔到力，要就一就力先可以將佢抱起，有時甚至連日常生活嘅動作都做唔到，好似“R“背； “樓“手巾； 攞重野．．．可憐！

上Baby Kingdom睇其他媽媽的分享，原來媽媽手大多是手腕內的“根膜發炎“所致，好多人試過睇跌打；針炙；物理治療； 西醫等都無效，唯一有效嘅就係唔好抱BB，咁隻手就會慢慢好啦．．． 所以當BB再大D唔再需要抱時，隻手就會好返（嘩！咪有排等？）

而家，我哋唯有用住D 止痛貼／護腕等頂住擋先，同埋真係要留意吓抱B手勢，有朋友教，盡量唔好屈住手腕嚟抱，咁就唔會有勞損而出現問題了，所以我而家都開始留意吓抱B恣勢 ，不過有時真係好難，尤其當Beku放軟晒身體像一個波時，你借唔到佢D力，而位置唔岩的話，真係唯有自己扭少少借位囉！）