今個星期開始返工，真係好鬼忙。不論係公司，還是返到屋企都一樣！放緊產假時，如果真係好累，都可以有少少時間瞓晏覺，不過而家就無了，所以．．．每日到晚上十點餵奶時，都會餵到想瞓覺！

不過，話時話，而家少見咗Beku真係幾掛住佢，所以每日放工返屋企泵完奶後 ，如果Beku仲未食七點鐘果餐奶（有時會遲咗少少餵）我都會餵，因為好多時餵完嚟餐後佢都好好瞓，至10點餐奶都唔願起身食。所以返工後同Beku溝通嘅時間真係好少，真係好唔捨得！

BB長大的速度真係好快，今日同明天個樣都可能有少少唔同，想捉都捉唔住呀！D小動作更加係越黎越多，你睇佢，托住個頭嚟飲奶，幾招積？返工後，少見咗 Beku，亦都好少同佢照相，唯有靠星期六，日陪佢多D，影多D相留念啦！ 如果唔係，我怕好快唔記得佢黎個階段嘅樣，因為．．．真係長大得好快呀！
arrow
arrow
    全站熱搜

    travelcake 發表在 痞客邦 留言(0) 人氣()

    E-mail轉寄