九號風球下的Beku, 本來可以安安定定咁係屋企瞓覺,睇奧運(係偷睇奧運先岩,因為佢成日“炸家E“睇電視),點知,因為爸爸媽媽要食飯,加上要買點儲糧,所以就係剛剛掛上9 號風球嘅情況下,帶咗佢去太古城!哈!!!聽見係咪覺得嚟對父母有D問題?9號風球都帶BB出街呢? 主因係今次嚟個風球係吹西北風,我家住東邊,所以我屋企附近D風都唔算好勁(加上屋苑行去地鐵站好近,大部份地方都是有瓦摭頭),對比兩星期前吹果個8號 風球(吹正東風),真係差好遠,果次吹到我屋企原本閂咗既window(可能閂唔實)都比佢吹開至90度角,真係嚇死!

本來唸住去太古城個food court可以多D野食選,個環境又可以比我地推架BB車,唔會好迫好窄咁,跟住就去Apita買儲糧,點知...原來8號風球都繼續營業的food court & Apita,一掛上9號風球就關門!!!連吉之島都係呀!攪到我地去到太古城都無啖好食,最後唯有食-麥當勞。

唔知係咪第一次帶Beku去太古城行街街,佢好有新鮮感呢? 我地一路推車佢一路四周圍望,但又唔喊播! 好似好乖咁。係我地食麥當勞時佢仲好叻咁自已瞓咗一陣,不過因為果到太嘈了,佢好快醒返,但係都好乖咁,只係眼仔碌碌咁睇住我地食野,令到我同船生都好安 心咁慢慢享用9號風球下的午餐。

誰不知!!!唔知係咪出街街開心得滯,返到屋企嘅佢勁扭計扭抱,一放落車仔就勁喊,攪好耐先肯瞓著! 瞓一陣又醒,真係比佢激死! 好在,可能佢實在太累(成日都無麥點瞓),晚上食完7點餐奶,好快就瞓著覺,如果唔係,佢繼續喊的話,我地又要嚟一次特訓了!!!

arrow
arrow
    全站熱搜

    travelcake 發表在 痞客邦 留言(0) 人氣()