等咗好耐啦,終於等到0806港島區BB兩個月一次的聚會了!今次的地點在海怡半島會所內舉行。由於怕Beku 出街街八八卦卦唔肯食粥仔(已經唔係食得太好,再八卦的話我怕佢食兩啖就停),最後決定還是在家吃飽出才出發。遲了差不多個半鐘才抵達,幸好有些BB還未 到睡覺時間,還可以同Beku一齊... ...爭野玩添!哈哈!BB係咪個個都係咁嘅呢?永遠見到人地玩緊嘅就想搶嚟玩呢?當然,由咁多媽媽係到維持秩序,又得到Swan提供咁多玩具給BB玩, 所以爭玩具的情況未算太嚴重,反而你爭吓我,我爭吓你,好似都幾好玩咁播!




今次再一次得到聰聰媽的幫手,幫我地編印咗好靚靚嘅Name Label,仲提醒我地,幫BB貼在背部是最理想,又不容易甩掉,又容易睇!係播!效果真係唔錯,無貼心口咁易甩,不過呢,個個BB見到其他BB背部有個咁靚靚嘅Label都想搶呀,Beku當然唔例外啦!




雖然只係兩個月無見,但好多BB個樣唔同咗;D頭髮多咗;動作又多咗啦!不過真係無個BB嘅發展都唔同,有D已經識爬仲爬得好快;有D仲識得自已扶住企企;有D仲話已經識叫“爸爸“啦,Beku樣樣都未得,唯一最叻嘅就係有五隻牙仔羅(哈哈!)







哈哈,嚟兩張相好攪笑,MoMo幫Beku捉蝨子呀,hahahahah... ...



Beku當日玩得好開心呀,梗係啦,難得有咁多BB同佢一齊玩,不過Beku都有曳曳嘅時候,一遇到D唔如意嘅事就大叫/喊; 無事的話就可以即刻哈哈大笑,真係比佢激死啦!




今次真係玩得好開心,真係要多謝攪手Swan, 幫我地Booked場地之餘,又Booked 食食(估唔到club house 嘅到會都咁好食,意料之外!),仲帶咗好多玩具比BB玩,仲有幾位媽咪借出的地墊,真係辛苦晒呀!

下次見面將會係兩個月之後,唔知到時各位BB又會變成點呢?真係好期待呀!連Beku都話好唔捨得咁話 :“四月見啦!“
arrow
arrow
    全站熱搜

    travelcake 發表在 痞客邦 留言(0) 人氣()