電腦個display有D問題, 我每開機後數分鐘個monitor便自動"going to sleep". 熄機再開都有事, 2晚都係咁, 真係有D驚報電腦就咁報銷, 幸好, 最後發現係電腦入面太多塵, 攪到張display card壞壞地, 而家吸左塵後就好似無事. 真係"呵呢吉帝"呀~~~

星期三晚整左黎個肉醬意粉, 之前公司大食會(其實都係得4個人, 每人整D野食返公司), 而我公司唯一既男同事葉阿mond就整左個肉醬意粉返黎, 嘩!!! 真係好鬼好味, 完全可以媲美餐廳既味道, 一句講晒"食過返尋味". 咁好味既野我梗係要學下啦, 所以便向同事取經, 再買材料返屋企試下. 

材料 A : 碎牛肉, 蒜蓉

材料 B : 新鮮蕃茄, 洋蔥(切粒), 青椒, 辣椒, 蕃茄乾, 茄羔, 蒜蓉

材料 C : 糖, 黑椒, 香草, 芝士/芝士粉(隨意)

造法 : 
1. 碎牛肉醃味. 燒熱油鑊, 蒜蓉炒香後加入碎牛肉, 炒至8成熟舀起.
2. 材料B所有材料放入攪拌機, 加水攪成醬, 再加入油鑊煮熟 (**沒有攪拌機的話, 可以用鑊煮成醬汁) 
3. (2) 煮成醬汁後, 加入材料A煮熟, 然後加入材料C便可.


唔知係咪我無用攪拌機的關係, 所以醬汁並不像坊間的肉醬意粉般醬汁分明, 醬汁內, 你還可以見到蕃茄粒&洋蔥粒(我無落青椒),  至於味道, 我覺得仲差少少(跟同事的比較), 不過老公卻說好好味, 連續食了3餐也不嫌棄, 真是難得... 

尋日再同同事研究, 原來仲有少少秘訣 :
1. 醬汁是需要加水煮的, (如果用攪拌的方法, 在材料放入攪拌機後便要加水把材料攪爛)
2. 香草可以先用油炒香, 味道會更濃.
3. 蕃茄乾切碎後, 需要先用油炒香, 蕃茄味才會突出( 我用油浸蕃茄, 所以不需要先炒香蕃茄)
4. 不要怕, 黎個食譜需要落好多香草先至會香.
arrow
arrow
    全站熱搜

    travelcake 發表在 痞客邦 留言(0) 人氣()