唔知係咪天氣熱嘅關係, 街市d攤擋好早就收. 往時7點鐘去到街市都仲有好多攤擋, 但而家, 我唸有四分一攤檔已經收晒工啦... 就算未收檔嘅, 都剩番無幾多餸可以簡, 尤其是豬柳呀, 排骨呀, 牛柳等... 真係要睇下好冇彩, 好彩的仲有一兩舊比你買, 唔好彩的話真係"踫釘"...  

今日可以話一半好彩一半唔好彩啦... 因為都買到一舊算"林"嘅牛柳, 同埋買左D幾靚幾新鮮嘅蝦. $56/斤的中蝦, Size有返咁上下, 所以整了 "茄汁蝦碌". 講開茄汁蝦碌, 記得有一次係屋企整嘅時候, 竟然將鹽當咗糖咁調味, 攪到碟餸由茄汁蝦碌茄汁咸蝦碌 , 一路食一路要用清水沖一沖洗隻蝦先敢食(因為好咸呀!). 唸起都想笑呀!   不過咁失敗既經驗, 試過一次後, 下次便學精了, touchwood到而家都未試過再發生

材料 : 蝦, 茄汁, 蒜蓉

做法 :
1. 蝦洗淨, 剪鬚後, 落鑊炒熟, 中途落少少酒, 鹽調味(少少就得, 因為之後會煮茄汁醬), 舀上碟待用.
2. 燒熱油鑊, 加入茄汁, 水, 蒜蓉, 糖, 酒, 調至適合的味道後, 慢慢兜勻至醬汁稠杰後, 倒入蝦炒勻後上碟.

同場加映炒蟹柳牛柳片, 老公見到今晚又蝦又牛柳, 仲有炒菜心, 竟然話 : "嘩! 咁好餸, 做節咩???"   都唔係好好餸啫, 唔洗咁講播, 咁咪即係話平日無啖好食???

arrow
arrow
    全站熱搜

    travelcake 發表在 痞客邦 留言(0) 人氣()