今日係我地結婚2週年既大日子... 兩年啦... 咁快就兩年, 時間真係過得真係快. 

原本想請假一齊重溫結婚當日既情況, 不過老公請唔到假, 加上晚上佢又要去考試... 所以, 今日都無麥慶祝活動可以攪下, 初初都有D唔開心 . 但無法啦. 為了星期六可以請full day陪我去海洋公園, 咁就唯有犧牲結婚週年黎一日啦. 

無時間出街慶祝, 咁唯有就係係屋企慶祝啦... 我放左工就立刻去太古吉之島買了"今晚食麥餸"既材料, 跟住就拿拿林返屋企準備, 快得滯, 攪到我唔記得買洋蔥同薑, 返到筲箕灣又要走返街市買野, 真大頭蝦 

今晚我有成3個鐘頭煮野食, 時間非常充裕, (中間仲可以有時間上吓網添.) 我先是焗起個蘋果肉桂戚風蛋糕, 跟住再醃好D牛扒同蝦, 用黎整燒汁肉眼扒拼菲律賓露荀 及 香草牛油台灣蝦... 10點半了, 老公返到黎剛剛有得食熱辣辣的"2週年紀念Dinner"

今年唔可以重溫結婚當日既情景, 希望下年, 下下年, 下下下年.... 都有機會重溫一下啦.

P.S. 今晚老公竟然話D餸好好好好好味, 食到我差D無得帶飯呀. 哈哈!


arrow
arrow
    全站熱搜

    travelcake 發表在 痞客邦 留言(0) 人氣()

    E-mail轉寄