Travel 。CaKe

Week 11-12

~ 唔見左8磅了, 有D擔心! 個人很弱, 可能是食得少及嘔得多的關係, 基本上行路都沒有氣力, 就連由地鐵站行往公司的數分鐘路程也覺得很遠, 很累. 

~ 放工地鐵車廂人很多, 又沒有位置, 站上大半小時實在吃力, 有時還有頭暈暈的情況. 同老公商量過後, 決定放工坐的士回家, 寧願多付少少錢, 起碼可以安全抵家. 

~ 因為身體實在太弱, 每週也不能返足5日工, 當然, 有人會不高興, 不明白, 但我都唔想... 老實講, 如果比我簡嘔吐VS 返工... 我寧願簡正正常常地返工... 邊個鍾意病架...

~ 雖然已減少吃一些容易嘔吐的食物, 但不知可解還不停嘔吐... 有時一個早上已嘔上3次... 唉... 日子難捱!!!

~ Week 11去了威院照OSCAR, 很幸運, 那天老公放假, 所以他陪我到威院檢查. 下午四點鐘有結果, 屬低風險類, 放下心頭大石... 不過OSCAR準確度只有90%, 仍然會擔心Beku會否是與下的10%... Anyway, 今天Beku很乖, 靜靜地平瞓在肚內, 所以整個檢查過程都很順利, 也拍攝到一張靚相

Week 13-14

~ 醫生說, 害喜嘔吐通常至13-14週便有所改善... 但是... 我的情況好像... 還是差不多... 有點沮喪. 我不會是"嘔到生"吧??? (好驚... ...)

~ 感冒了! 很辛苦... 吃了一天葯也不敢再吃了... 希望快D好返. 唔影響Beku啦.

~ 燒味飯都沒用了, 最近開始吃咸鴨腎粥... 其實味道有點腥, 不過吃了後可以遲D先嘔. 咁... 唯有繼續食啦.

~ 生果方面, 可以吃橙及奇異果. 現在每天盡量吃一個, 去廁所都好D

~ 又再輕了2磅, 即總共唔見了10磅!!!!

~ 可幸是已經3個月了. 雖然嘔得辛苦, 但好彩Beku的生長正常(只是細了一週Size), 也沒有流啡/紅等其他異樣. 總算安慰.

~ 第一次去瑪麗照3D, 醫生說懷孕初期照3D其實很難看的, 也沒有什麼可以看到... 反而在懷孕後期照會看得清楚D. 醫生抽血... 嘩! 痛死人啦!

Week 15-16

~ 這兩個星期, 嘔吐的情況好似有D改善, 約2-3次左右, 有幾天還幸運地沒有嘔吐!(拍掌!!!) 不過, 作嘔作悶感仍有.

~ 嘔少左, 喉嚨無咁傷, 講野都好似大聲左D. 

~ Christmas呀, 本來唸住Christmas可以食聖誕大餐... 不過睇情況還未可以... 但起碼食得正常少少... 食量多少少

~ 食意粉胃口好D, 飯... no way!  所以只感食西菜, 中菜, 點心還是無膽試!!!

~ 愛上飲蕃茄薯仔湯... 都好! 可以補充失去的水份及營養!

~ 26號晚上, 臨上床瞓覺時作嘔... 嘩!!! 趕唔切衝入廁所, 嘔到成地都係... 好核突! 連老公都頂唔順, 要帶手套清理現場. 我都有點唔好意思 這段日子, 真係辛苦晒老公!!!

~ 肚皮開始微微隆起, 係時候開始搽肚紋羔了

~ 腰圍粗了, 以前D褲都唔岩著了, 要買孕婦褲了.