鳴鳴.... 我五星期之間, 竟然重左15磅呀, 好誇張呀! 醫生都要叫我唔好食咁多

其實上星期去健康院覆診已經發覺自己4星期之間重左10磅, 都覺得唔掂架啦... 點知, 是隔8天再去私家診所上磅, 竟然仲多5磅, 雖然話健康院個磅同私家醫生個磅可能有少少差別, 但點都好, 都係重得太厲害.

照完超聲波後, 醫生仲話 :" BB係中碼size, 910g, 正常, 你重咗果15磅大部份唔係個胎到, 而係你到, oh my god!."

其實我都唔係食好多野啫? 係餐與餐之間會食小小零食(薯片, 朱古力...)或乾糧(面包, 餅乾), 我唸我要戒下零食, 同埋... 叫阿媽早D煮飯, 咁我唔洗食完就瞓, 咁一定肥啦...

頭三個月嘔到七彩, 唔見左10磅就好擔心, 而家倒轉升返20磅... 一樣令人好擔心... 唉!!!

arrow
arrow
    全站熱搜

    travelcake 發表在 痞客邦 留言(0) 人氣()

    E-mail轉寄