Travel 。CaKe

朋友教路, 整個懷孕期, 最舒服的日子就是第5,6,7月, 因為害喜的現象減退了, 肚子又未算好大, 又未有周身骨痛等問題. 所以在這個階段去選購BB用品就最啱! 可以先在4-5月時, 多點了解bb用品的項目(bb用品真的五花八門, 一時一刻真的很難清楚每一樣物品的用途, 那些是必需要品,) 然後, 再慢慢於6-7月時續少續少購入. 這樣, 就唔洗係8-9個月腹大便便嘅時候, 仲要去行街夾價, 四出張羅bb用品.

基本上, 衫仔我們是最後才選購, 因為很多朋友也有二手衫提供, 加上BB衫很快不合身, 我地覺得唔需要花太多錢去買衫, 待最後一刻真的不夠著時, 才去買. 反而我們會先買一些衛生用品的 (如: 紗布, 尿墊, 脫脂棉, 床上用品, 浴盤, 洗衣液, 奶瓶清潔液... ..) 因為是必需品 . 

上星期日, 剛巧遇著APITA及JUSCO有嬰兒展, 而老公又放假喎, 咁我地食完lunch之後就去左太古先夾價, 後購物.  由下午一點行到晚上八點才回家, 真的很累很累, 回家要用熱鹽水浸腳才舒服點. 不過真的開心, 因為跟據我的購物清單, 大部分必需品都買得七七八八, 餘下的, 便可以慢慢再睇, 慢慢再簡了.

可能你會問, 現在才6個多月, 會唔會太早呢? 睇你點睇啦...
1. 早D買, 個人定D, 樣樣野都可以慢慢安排, 唔洗等到8-9個月先臨急臨忙去買, 到時買唔到, 個人就好心急煩燥, 唔開心咪仲唔好.
2. 百貨公司BB展通常有八折或以上, 所以夾埋黎D時間去買野就最好, 但佢地唔係個個月都有BB展喎, 所以既然三月頭有APITA&JUSCO做特價, 咪去買咗先羅.
3. 床呀BB車黎D, 有時唔係話買就有現貨, 有朋友十二月尾買張床, shipping delay到岩岩先送貨咋(3月早). 咁BB黎三個月就無床瞓... 都幾失預算.