Travel 。CaKe

之前都講，BB用品真係五花八門，好多野都唔知點用，亦都唔知邊D function 先至係“合河車“。其中一個最煩惱的就係選購BB車，BB車嘅款式／賣點真係多到你估唔到，e.g. 輕身，3／5點式seat belt，舒服坐墊，全蓋cover, 雙向手柄，360度車輪，單手收車，有揹帶，有cup holder，手柄高度可調教，防UV，有親子天窗等等等等．．．睇見嚟D賣點都頭痛，真係唔知邊樣啱自已，邊樣真係必須的。

後來睇多幾次，再問下朋友嘅意見，又睇下其他媽咪用後感，終於知道自已想要的BB車是怎樣：

1．Seat 位寬身D，咁BB就算係大碼B，起碼都可以坐到歲幾兩歲，都唔會坐得太辛苦。
2．要有5點式安全帶。BB可以坐定定，咁就減少佢“琴高爬低“而跌出車嘅機會。
3．可以平躺。岩初生BB可以平瞓。二嚟我可以把BB車放在客廳，做BB的午間小睡床或休息椅。
4．單手收摺。
5．車籃大。

雖然好多朋友都推介COMBI車，因為夠輕身嘛，要是一個女人推BB出街，車身輕，收摺容易真係好重要。不過，我同老公睇過好多次，都覺得COMBI車需輕，但好似唔多穩陣，好“飄“咁。同埋seat位比較窄，BB唔會坐得舒服，而且可能坐幾個月我就要轉車，千幾二千蚊坐幾個月，好似唔多化算，所以我地一路都決定唔到，買唔買COMBI好？ 

後來我地睇中一部Peg Perego 既P3車，大架D，又好穩陣，用料又靚（防水料），收摺後體質都好細，車籃又大，合符晒以上5項要求，不過，唯一問題係．．．重！ 成8KG （Combi 的約4.9KG）真係差好遠架。跟住同老公唸，究竟輕＆重對我地嚟講重唔重要？ 我有幾“河“會一個人推車，仲需要收車或抬上抬落的？如果我只坐地鐵的話，基本上都無麥機會抬上抬落＆收車，除非要返媽咪及奶奶處，坐完地鐵要轉小巴／行斜路，咁就麻煩D。但如果返阿媽／奶奶到，老公大多數會同行，再唔係，可以選擇用揹帶而棄用BB車，咁就可以解決嚟個問題。所以，我地覺得車重對我地嚟講，問題唔大。話雖如此，但8KG真係有點重！

上星期日行太古城，經過CHICCO就走入去睇下啦，唸住睇多幾款，多幾個參考啦（同埋有朋友都推介CHICCO車）。雖然佢display嘅款唔多，但都已經好足夠，尤其係我地睇中其中一款，個function同P3差唔多，都合符以上5項要求，只係摺起上來無P3咁細，但就比P3輕（6.XKG), 推起嚟都幾順。最緊要係...價錢比P3 平 （P3 八折後＄2400，CHICCO嚟款原價＄1598，折實＄1198）但功能差唔多嘛。我地用一個 Tea time 嘅時間考慮後，覺得竟然CHICCO車無論功能及價錢都合我地要求，不如就買下吧! 

CHICCO仲可以安排購買後10個月內先送貨，幾好呃，我唔洗而家即刻攞貨擺係屋企（而家屋企已經成為beku嘅小貨倉) 的確係不錯嘅售後服務!