Travel 。CaKe

其實一路都無唸過去照4D，因為之前見過朋友嘅4D相，真係好難睇出BB嘅樣，同埋好多時同生出嚟嘅樣唔同！ 但自從係22週去瑪麗覆診照3D，佢送咗一張黑白A4嘅Beku相比我之後，果一刻真係好開心，覺得好奇妙，估唔到咁早都可以睇到佢個樣。於是就好有衝動去照4D。我唸．．．嚟D就係為人父母VS旁觀者嘅分別！

上網睇，話第26-28週去照4D就最好，因為胎兒夠大羊水又足，有足夠的空間給胎兒活動，所以胎兒的樣子都會照得清楚D。因為我睇開果個私家醫生無得照4D，經網友介紹後，就在28weeks 1day去了另一個醫生診所到照4D。

成個過程約30分鐘，不過Beku一如以往，每次照襯超聲波都唔多願意比個樣我地睇，不是用手摭面／擦眼，就係背住我哋。好在，最後都影到幾張Beku既3/4面，算有D安慰啦！ 本來想叫醫生錄埋Beku嘅心跳聲，不過原來隻DVD係無聲的．．．所以無得錄，有D可惜！

嚟張就係影得算幾清淅的照片，Beku嘅眼口鼻都睇得好清楚。我覺得Beku面圓圓有D似老公，如果比奶奶睇，佢一定話同老公一個餅印啫 。不過，唔知Beku出世後個樣同嚟張有幾多分相似呢？