孕婦通常在28-30週便會進行耐糖測試(即驗糖尿),睇吓我地有無“妊娠糖尿症“。聽說進行這個測試,先要抽一支餐前血(由前一晚十二點開始不能進 食),跟著就要係10分鐘內飲晒一杯“超甜“的特制糠水(以一個外賣涷飲杯,倒入大半杯萄葡糖粉加暖水沖制而成)真係“甜到漏“呀,如果飲唔晒或飲完之後 嘔吐的話,就需要再約期測試! 如果捱得到,2個鐘後再抽第二支血便完成整項測試,可以返屋企等報告。

上週四我就去咗贊育做嚟項測試,去之前真係好驚,一嚟驚飲果杯糖水,二嚟好鬼驚唔Passed ,咁就要再約期見醫生/營養師,有可能需要食醫院餐及不時進出醫院進行檢查,真係唸起都有D怕。

當我攞起杯糖水時,真係有D緊張,唔知嚟杯野係咪謠傳中咁難飲呢?嗯...飲過一二啖其實都OK,起碼唔係“甜到苦“,但飲多兩啖後就開始好難頂,好鬼 甜,喉嚨好似有D野係到Gel住咁,飲完之後真係要飲多啖水沖淡口內果陣甜味。之後無幾耐,個人開始有D搖搖哋及想嘔吐,可能成朝無食野,加上突然飲咗杯 甜糖水嘅關係,所以個胃唔係好習慣而有嚟個反應,後來閉目養神咗差不多1小時個人先好D,精神D。等到坐夠2個鐘後,抽埋第二支血便完成測試! 真係好開心自已無嘔到,你知啦,我之前嘔得咁勁,幾驚我D反應又大過人,嘔返出嚟要再約期驗過呃!

護士話10日內如果收唔到電話通知即一切正常,如果收到的話...即需要返去見醫生!求神拜佛,你唔好打比我呀!!!


arrow
arrow
    全站熱搜

    travelcake 發表在 痞客邦 留言(0) 人氣()