其實自懷孕後,好多野都唔食得,海鮮又話怕令BB皮膚唔好,易有濕疹;芒果菠蘿榴槤都唔得; 魚生雪糕又話生冷野怕有大腸幹菌; 西瓜涼茶龜岺羔又話太涼唔得; 煎炸野零食又話唔好...總之就唔可以話想食麥就食麥,忍口真的忍得好辛苦呀! 尤其是去飲茶,真係無啖好食,因為機乎樣樣點心都有蝦,咁...咪即係麥都唔食得?

不過老實講,我都未算戒口戒得好清因為實在太難忍了,所以,我有時都會偷食吓 :

1-2隻蝦,帶子。
薯片朱古力
公仔面
1-2粒菠蘿
煎炸食物
少少雪糕...

除咗薯片係頭三個月有食之外(因為果時嘔到飛起,難得食薯片食麥記可以減輕嘔吐,醫生都話頭三個月無所謂,食到就食,最緊要你有胃口) 其他都係5個月後,個胎穩定D先開始食少少。老實講,偷食果吓真係好開心架,因為大部份唔食得嘅野都係我嘅至愛,無得食真係好慘! 不過老公每次見到我偷食都會話我,問我:“咁樣得唔得架?“ 哎也!我又唔係食好多,每次都係食少少,好少好少啫,應該影響不大嘅,如果我陀得唔開心咪一樣唔好? 最多懷孕後期食多D袪胎毒的食物咪得羅

講起袪胎毒,之前聽人講話7個月就可以食西瓜呀,芝麻糊呀,綠豆沙,付竹蛋糖水,白蓮鬚之類可以清胎毒的食品,但後來有朋友說,7星仔/女生出來,因為身體機能未完全發育成功,所以可能養到20歲都仲有問題的,較麻煩,所以建議我去到8個月後先食。好啦!咁唯有忍多幾個星期吧! 好過Beku 身體唔好,到時仲麻煩。不過呢keke...早兩日我偷食咗一碗芝麻糊 (黑芝麻可令BB頭髮鳥黑D,但太早食會滑胎)不過我都成31週羅,一碗半碗應該OK嘅! 等到下星期夠32週(8個月)我就要食付竹糖水,Yeah !!!




arrow
arrow
    全站熱搜

    travelcake 發表在 痞客邦 留言(0) 人氣()