Travel 。CaKe

懷孕以來，有生仔經驗的朋友常常會問道：“有沒有抽筋呀？“ 我都會回答：“好好彩Touchwood未試過，我都希望整個懷孕期都唔會抽筋，因為抽完隻腳會好辛苦，痛幾日的！“

但好不幸，4月11日淩晨，終於抽筋了，就係我瞓到半夜轉身嘅時候，左小腿抽筋！ 我即刻叫醒老公幫我拉筋，總算舒緩了一點，但果一日，隻腳成日都抽住抽住痛咁，真係好怕嚟種感覺。

跟住6日之後（即4月17日）臨起床前一刻又抽筋，今次輪到右小腿！ 又叫醒老公幫我拉筋，佢可能近排都好忙好累，半睡半醒之間，幫我的左腳拉筋，哎也！ 哈哈！我係右腳抽筋播！！！

唔知係咪近排少做咗產前運動（個人開始累，有D懶）還是個肚越來越大，靜脈曲張，引致容易抽筋？ 真係唔知，唯有做返D小腿運動，減少抽筋嘅機會啦， 希望餘下嘅2個月，盡量抽得越少越好啦！！！

P．S． 以上小腿運動示範是Copy自衞生署的“產前運動“小冊子。