Weeks 29-30

~ 嘔咗2次,點解去到成6個幾月都仲會嘔既?

~ 返贊育檢查,第一次驗到尿蛋白,好點擔心,後來姑娘叫我再驗多次,好在無事!姑娘話可能第一次驗咗D分泌物所以有尿蛋白的情況,不用太擔心!

~ 30週返贊育做血糖測試,嘩!果杯糖水真係...飲完令人好唔舒服。好在驗完之後醫院無打比我,無打比我=>既無事,無糖尿病!唔係就慘,要見營養師了!

~ 30週,肚圍有36.5吋,好多人都話我個肚唔算大,唔緊要,BB識得長大咪得羅,我肥少D重少D有麥所謂(仲好啦, keke...)

~ Beku重1.5KG (即3.4磅)啦。

Weeks 31-32

~ 以為自已可以避過抽筋命運,點知都係難逃一劫,weeks 31第一次抽筋,Weeks 32再筋一次,可憐!

~ 去瑪麗聽Talk,黎兩次個姑娘講得幾好!令我地知道多D,其實如果時間許可的話,不妨去聽吓講座,知多D,到生嘅時候個人會無咁緊張。

~ 踏入28週後,每兩星期要返健康院覆診一次,再加上要返瑪麗照3D, 私家醫生覆診,仲有產前運動班&講座,感覺嚟個4月真係好忙。

~ 我嘅體重穩步上升,無之前咁誇張3星期重15磅,而家約每週一磅,附合醫生要求。

~ 見有陽光,可以清洗部分初生BB衫,嘩!原來都幾多吓,件件細細件,一掠一摺都幾晒時間。

~ 32週,夠8個月了,開始西瓜及付竹糖水清胎毒。

Weeks 33-34

~  Weeks 33 ,Beku已經重2.1KG (即4.6磅啦)三星期重咗成磅幾,成績好好呀!

~ 第三次抽筋,慘!要做多D拉筋運動先得。

~  33週,肚圍37吋,又升咗半吋啦!

~ 產前運動班,黎兩堂學呼吸,原來都幾難,唔知到生嘅時候自已可唔可以掌握到呢?

~ 近排個肚有扯住扯住,唔知係咪子宮擴張呢?

~ 34週開始飲白蓮鬚清胎毒,味道都可以接受。

~ 走佬袋執得七七八八,準備隨時入醫院生得!




arrow
arrow
    全站熱搜

    travelcake 發表在 痞客邦 留言(0) 人氣()