哈哈！ 睇咗係咪有D反胃？ 無錯，嚟對就係我嘅腳，仲要係晚上的腳，因為晚上對腳比日頭腫得多。早上著鞋Size岩岩好，但到晚上就會有迫的感覺。問過姑娘，佢話我對腳已經唔算好腫了，正常 （吓？ 咁都正常？？？）有些孕婦水腫得好厲害，直頭連鞋都著唔落（我信，因為我係診所見過一位孕婦，雖然只係著住對拖鞋，但對腳都迫唔入，凸晒後踭出鞋邊）。
我記憶差唔多36週左右開始，唔只對腳會腫，連對手都覺得有D腫，手掌合埋時總係覺得有D迫，脹脹咁。有人話三腫三消代表就快生得！ 不過又唔係呃，我有朋友無腫過一樣生咗，所以都不能盡信，我呢！就從來都未消腫過，不過，可以話我嚟D都未算腫，佢地話真係腫嘅話 ，係腫到有點痛的，用唔到力架！所以，都係等吓幾時有陣痛，見紅，穿水，咁就真係生得啦！！！
全站熱搜
留言列表
My life with BeKu (3)
