醫生話初生BB最少應該瞓16-18小時,但係我數嚟數去,都覺得Beku每日都瞓唔到咁多。一日食8-10次奶(之前每天11-13次)每次換片+餵奶+掃風最少45-60分鐘,跟住呢,佢唔係次次食完奶都瞓覺,有時可以食完奶眼光光望住你,明明見佢打晒“喊露“都總係唔合埋眼瞓,要至下一餐奶食完先瞓,有時如果有朋友嚟探佢,佢真係可以整個下午都唔瞓覺(但有時呢,就會扮乖係咁瞓)。有時就算佢肯睡,但半個鐘/一個鐘後就會扎醒,醒咗之後又要抱吓氹吓先眠到,跟住無耐又到下餐奶嘅時間。

有人話BB成日扎醒/瞓唔冧係無安全感,但我都試過好多方法都唔係太work :
米袋 =>無效,不過都照用。
包被包實D => 偶然OK,不過無論我包到幾實佢都可以鬆晒對手出嚟“扮投降“咁瞓覺。同埋,BB好熱,用包被包到好實咁瞓,就算開咗冷氣,到頭嚟佢係熱醒,唔係扎醒。
係床邊圍好多毛巾 =>都一樣係會扎醒。

其實我真係好想佢瞓多D,對佢健康都好D,但總係無辦法。嚟幾日,發覺佢開始識得同人玩,你同佢玩佢會比反應你(有時笑,大笑,有時就會EE air air聲),如果見到有人係到,佢又會周圍望,八八卦卦唔瞓(老人家話嚟D叫做“野性“)。不過,阿Q d唸,佢1-2餐奶無瞓,到第三餐奶就一定會瞓得好lum,咁起埋都可以recharge到,真係好怕佢好快就有對熊貓眼呀!
arrow
arrow
    全站熱搜

    travelcake 發表在 痞客邦 留言(0) 人氣()