上星期五一起床,發覺Beku的左邊面突然多了10粒紅點,像比蚊咬般,嘩!好慘呀!跟住晏少少發現又多咗2-3粒係面上,真係見到都心傷!

船生話果日佢都見到衣櫃門上有隻蚊,但我地又覺得似比野咬但又唔似係蚊咬(因為擴散的範圍又唔算好似蚊“難“咁大粒,同埋佢唔痕,Beku無麥點抓癢!) 真可憐!我地相信應該係天氣潮濕,要洗嘅衫又多,我長期張部抽濕機放咗係廳到抽衫,變相房間濕氣重,可能因為咁引致有小蟲蟲在房間生長,咁唔好彩落咗係Beku面上。

起初我都好驚,始終係女仔,又係面上,一邊面都有成10粒,我都怕係出疹呀!又怕D印唔散,因此而變成鍾無艷就真係慘慘慘!好在醫生話無事,唔係出疹(出疹通常身上長得較多,好少在臉上,而Beku身上一粒都無)只係比野咬,搽D葯羔好快就無事了。

幸好搽了幾天葯羔臉上的印開始越來越淺色,應該會無事了!不過近來我都唔敢帶佢出街,或者令佢出太多汗,因為我怕一出汗,佢唔舒服會抓面就麻煩了!

後來跟清潔的姐姐講開,原來房間是一定要抽濕的!!!唉!其實我以前都會將部抽濕機搬來搬去,今年就是因為太多衫洗,個心只掛住抽乾衣服再洗一機就變成這樣!以後我都唔敢唔抽房了!

arrow
arrow
    全站熱搜

    travelcake 發表在 痞客邦 留言(3) 人氣()