Travel 。CaKe

{###_albums/tt167/travelcake2/Beku/P1480841.flv_###}

這段片是計劃生細b前拍的，當時我和船生都十五十六，你知啦！生多個負擔又重d，又怕自己湊唔掂，但老實講，我地想生多個最大原因都係想Beku有個伴一起成長，真係到我地老咗有麥事都有多個人商量吓呃！

我有聽過有d朋友想計劃生細b時都會問下大b意見，有d大b真係會答你：「唔好架！」幸好Beku當時的答案係好Positive，而且真係好似好想要個細佬妹陪吓咁，就算到現在我問佢，佢嘅答案都係一樣，有時大家一齊食野，我都會問下佢比d妹妹食好無？佢會答好！（除了只餘下一件或只此一件，她就會Say no!)　有時又無端端會隊支奶嚟我個肚到叫妹妹飲，唔小心整親我個肚又會「呵呵」妹妹，而家咁睇佢應該都幾錫妹妹的，不過又好難講，可能佢當咗妹妹係Kitty or Pooh Pooh，佢鍾意時就要攬住瞓，唔鍾意時就掟開佢唔理佢，希望到妹妹出世，Beku真的會愛錫妹妹，兩姐妹可以相親相愛啦！

BTW,　睇番段片，發覺我都問錯問題，我竟然同Beku講：「生個細佬或者細妹比Beku玩喎！！！」死啦！到Beku大個咗會唔會反問我，點解妹妹唔係比佢玩嘅咁死？？？（哈哈哈...)