Travel 。CaKe

之前缺席咗2次嘅Gathering，今次再參加，原來已經是2歲Party了，時間過得真係好快，眨吓眼，個個b都長大了很多，記得第一次出席活動還是手抱或坐bb車出席，現在已經個個b都識自己行自己走了，想捉都捉唔住呀！

話明是2歲Party，蛋糕當然唔少得！除了這個靚靚鴨鴨蛋糕外，每個小朋友都有一個屬於自己的cupcake，攪手真係好有心思！


Beku一知道有蛋糕食，就圍著長枱不願走開，當她拿上屬於自己的cupcake時，就梗加笑到見牙唔見眼，唔洗引都笑得咁𤌴爛，證明甜品永遠是小朋友的致愛！


今日同Beku傾偈，佢竟然同我講：「等妹妹出世，用大大機機整糕糕比妹妹食呃！」嘩！我聽到都好驚喜，一來佢可以咁有條理講一句咁嘅說話，二來聽起來佢好似好錫妹妹咁喎！跟住我就話：「好呀！等妹妹出咗世，等媽媽傷口好返晒，我地就用大大機機整糕糕呃，但係Beku會唔會好驚走咗去架？」（大大機機即係KA,　最近兩次我開機佢都喊住咁走話驚驚，就連最近我用普通的手提Mixer佢都驚到走入房搵船生！）佢嘅答案係：「唔驚，用大大機機唔驚。」哈哈！聽住先！不過我都好期待有一日可以同Beku一齊整餅，來一個親子樂！