Travel 。CaKe

(因為沒時間寫，所以而家先出Post，哈！其實Miku妹妹已經個半月大了！）

Miku妹妹滿月了！真的很開心！除了因為妹妹滿月之外，最大原因是坐月的日子終於過去！老實講，坐月...真的好辛苦！！！除了要跟Miku妹妹互相適應外，最主要是在這炎炎的熱日無得洗頭，無得沖涼，仲要開咗冷氣都成日出汗的情況下，真的好難捱！我已經唔係最乖果個，我一出院就洗頭沖涼（之後用薑水淋身），跟住日日叫陪月姨姨煲兩大煲薑水等我可以用少少沐浴液沖吓身無咁「Lup」，跟住又會4-5日洗一次頭（用薑水洗），不過都成日周身汗！我真係好佩服以前d人真係可以一個月唔沖涼洗頭！老實講，唔好話餵奶（人奶）唔衞生，自己都有d厭棄自己呀！

就在妹妹滿月當日，亦即是我從見天日的日子，我們一家四口就出外走了一圈！（成個月無出街，真係悶都悶死！）因為生完BB之後個人好虛，所以就在滿月當天去看一看中醫調理一下，之後我們便到了附近的酒店吃了一個Lunch Buffet來賀一賀！

妹妹第一次出巡特別好奇，一上車就眼仔碌碌，好似在問：「媽媽，你要帶我去邊到？」

Beku一知道有街出喎！當然既開心又興奮啦！佢陪我坐月都坐到好悶架啦！唉！陪月姨姨煮嘅野好多時都唔係好岩Beku好味，所以佢都好慘，成個月無啖好食！今次就請佢食番餐好架啦！（其實佢都唔洗錢，係免費的！哈！）


有粟米片；包包；Pizza；奶奶；乳酪；菜心；餅乾；檸檬水；蛋蛋奄列，全是Beku的至愛，佢更係食得開心啦！


至於妹妹，全程基本上就是Sleeping，係臨尾先起身飲支奶咋！沒有扭計，好合作呀！有時我會唸，之前只有Beku的時候，出街吃飯我們就二對一，通常係輪流食，輪流照顧Beku，但係遲d當妹妹長大了後，到時就二對二，到時會唔會好混亂呢？攪到我地無啖好食呢？