Travel 。CaKe

好多朋友都會問，Miku妹妹出世後，Beku有無呷醋或行為反常？

答案係：有！不過情況越來越有改善！雖然妹妹未出世前我地已經給Beku有心理準備，不過，這只是有一點點幫助，最終Beku還是會呷醋或異常行為（當中，部份也有可能是因為Trouble 2而起的）。


不過，經過個多月的相處，Beku對妹妹好似好咗！最近少咗打妹妹，反而多咗要錫妹妹，要呵呵妹妹，自從比佢抱過妹妹之後（妹妹初生時不敢比Beku抱），跟妹妹一起瞓在U-Pillow之後，每次一有機會她就要求抱妹妹及同妹妹一起瞓！每次看見Beku好開心地跟妹妹一起，而妹妹又動彈不得的樣子，我都覺得好開心，會幻想他日兩個可以一起玩，又跳又叫的樣子，So Sweet!


BTW, 不談呷醋／反常行為的話，妹妹出世之後，其實Beku都有乖的一面，也是值得讚揚的，例如：妹妹換片，她會幫手取尿片棉花及Pat Pat 羔；會幫手從雪櫃取奶奶給我坐暖讓妹妹飲；想幫手洗奶樽（暫時只比佢企係側邊睇，唔比佢洗，因為佢只會係到玩水）；會借她的公仔給妹妹玩；每次我泵奶都要陪我，唔會攪攪震；妹妹喊會呵呵她，叫她唔好喊；常常嚷著要錫妹妹，要扼扼手做好姐妹... ... 感覺她也很喜歡很愛錫妹妹的，尤其是每次錫完妹妹後，我話妹妹同你笑呀！跟住佢就會開心到又叫又跳，我錫佢都無咁大反應呀！