Miku已經兩個月了,9月1日返健康院打針(係呀!今次我地選擇返健康院打針,而不是去私家),順便磅吓重度吓高。

頭圍:37.7cm
體重:5.54kg
身高:59cm

Miku這兩個月發展得不錯呀!體重差不多是出世的一倍,也長高了差不多10cm!比兩個月時的Beku發展得更快,應該跟她的食量比當時的Beku更大,所以發展也較快吧!不過自從MIku戒了夜奶,加上由3小時一餐變成4小時一餐,每日的總食奶量已經下降了。之前約800-900ml/日,現在只有約750ml/日,其實都有點擔心,但健康院的姑娘說只要有重,減少食量也沒有問題喎!

講吓打針的情況,兩個月大係要打四合一(政府包的)及 肺炎鏈求菌,其實我唔想咁細個同Miku打肺炎鏈求菌針,好似好慘咁,兩個月大就要同一時間比人打兩支針,所以我想好像Beku果時咁一歲時打一支針攪掂,點知健康院個姑娘話我係第一個要求唔打針的,以前政府唔包就個個媽咪都話要政府包,現在我竟然話唔想打,跟住又同我講針卡有晒打針嘅時間表,如果你囡囡入學時學校發現佢無打肺炎針到時有麥問題就唔知啦!又話你而家唔打我唔知到你囡囡一歲時個政策係點,有無得比你補打... ... 跟住叫我自己唸吓打唔打,你話唔打我唔會迫你的... ...

唉!嚟個姑娘我之前都見過,態度真係麻麻,你話到囡囡一歲時政府幫唔幫佢打我唔緊要,最多我咪去私家打,但一講到話入學,比學校見到無打針呢又真係好似好麻煩咁,所以最後我都係比Miku打。Miku 打針嘅反應比Beku大架,以前Beku最多係喊一聲,亦試過唔喊,但Miku呢就喊2,3聲好大聲,仲要扁埋咀添!到打第二支針時,可能第一支針嘅痛都仲未退就已經打第二支針,佢直頭喊到塊面好似關公咁紅,青筋盡露,喊到離開打針房先收聲,跟住我抱住佢去攞退燒葯途中又突然之間激喊咗幾聲,見到佢咁喊法,真係覺得咁細個要打兩支針好慘!

雖然Miku嘅喊聲都幾大幾厲害,幸運的是她沒有發燒,姑娘說發燒通常在三日內出現,Miku只是第一天有點熱(37.3-37.5度),未至於燒至38度要食退燒葯,不然一定更辛苦!

******************************************************************************************
兩個月的狀況:

1. 一日五餐奶,每四小時一餐,每餐約130-170ml。
2. 用餐時間: 7am, 11am, 3pm, 7pm, 11pm
3. 已戒夜奶。
4. 眼仔會望向有聲音的方向。
5. 會望住右手眼定定。
6. 啜右手手指公。
7. 會發出er er 聲同你傾偈。
8. 好多口水。
9. 好鍾意沖涼。
10. 很愛笑,每次望住佢講野,食完奶或疴完Ng Ng都會笑。
 
arrow
arrow
    全站熱搜

    travelcake 發表在 痞客邦 留言(1) 人氣()