Travel 。CaKe

好開心好開心!!! 我終於完成了北海道+東京之旅既遊記啦. 16日既遊記, 我用左一個月時間去寫, 每晚返到屋企除了煮飯外, 一定會做的- 便是寫遊記. 攪到自己整個月都好似斷六親咁. 

老公常常問我:" 你今晚想去邊呀???" 
我就會答"返屋企寫遊記啦~~" 哈哈... ... 

估唔到, 睇落好似好簡單既一篇遊記, 原來都好晒時間去寫, 背後仲要做好多功夫的 :

整理相片 - 係電腦到開左16個相簿黎 Filling16日的照片.

簡相 - 係每一日既相簿內, 簡選岩用及有代表性的照片放入遊記內.

Edit 照片 - 因為照片太多了, 想要每一張照片都post在遊記內實在沒有可能, 唯一辨法便是把幾張相Group在一起, 變成一張照片. 整個Edit過程都很需時, 有時又要設計一下"擺位", 整下D效果咁. 每一日遊記的照片, 我大約需要2小時才可以整理好.

寫遊記 - 咪以為只係短短幾隻字, 好似好簡單, 其實... 真係嘔心瀝血先寫到出黎架.  唔知係咪好耐無作文既關係, 我竟然有"文字紊亂症". 我究竟應該用口語化去寫? 還是用書面語呢? 因為我想把這個遊記跟台灣/香港的網友及新加坡的同事分享, 所以最好還是不要用廣東話來寫, 因為他們看不懂. 但如果我用書面語, 又應該用我們由細用到大的書面語? 還是好像講國語的那一種呢??? 嘩!!! 好煩呀~

所以, 寫遊記一D都唔易呀... 不過, 可以將整個旅程的所見所聞, 開心及唔開心的事都記載落黎, 第日睇返又可以回味一下, 咁.... 都值得呃   

P.S. 遲D我會再Post一D有關酒店/交通等資料, 希望可以幫到你地計劃行程啦