... 我終於買到一個Silicon質地既戚風蛋糕模, 我想買左好耐架啦... 不過因為Silicon模都唔平架... 成一百蚊一個, 我真係唔捨得買呀. 好在SOGO大減價, 而家只需要$59就有一個18cm的Silicon模, 我拿拿聲放左工就走去SOGO買.

哈, 你地係咪想問點解要買Silicon模? 麥野叫做戚風蛋糕呢??? 戚風蛋糕係台灣語, 香港會譯作雪芳蛋糕. 黎種蛋糕同海棉蛋糕唔同, 佢既質感會鬆D同濕D. 不過, 如果要焗戚風蛋糕, 最好都係要用返一D"中空"既模具(即中間有個"Lon"既) 咁樣個蛋糕就上下左右都會焗得好均衡. 至於點解買Silicon模, 係因為我覺得普通質地既中空模好難脫模, 而Silicon模本身係軟身同埋可以反轉摺埋都唔怕, 咁脫模時就好方便啦, 又唔怕"痴"底喎. 真係好鬼正架... 有左佢, 我以後就可以做戚風蛋糕了.

我今晚數過, 計埋佢, 原來我屋企大大小小已經有16款蛋糕/批模了 (仲未計蛋撻/迷你達模)  哈哈... 我唸我老公都估唔到, 廚房細細竟然比我收埋咁多蛋糕模係到... 哈哈!!!


arrow
arrow
    全站熱搜

    travelcake 發表在 痞客邦 留言(2) 人氣()