今年無得舊地重遊, 咁唯有搵返D相出黎睇啦, 回顧回顧一下啦~~~

係相簿內, 我再一次重溫黎三張卡, 你地覺唔覺得有D似曾相識呢??? 無錯, 黎三張就係我地既Invitation Card, 用黎邀請你地出席我地既結婚註冊儀式. 當時我地以電郵形式發比大家, 而且, 好珍貴架, 每一只得一款咋   唔知...黎張卡仲係咪你地個電腦入面呢???

2004年9月19日係我地既註冊日, 果日朝早落好大雨, 攪到我地原本唸住去影婚紗相都無得影, 仲一路好鬼擔心註冊時都會落大雨. 好在於大約2點左右, 個天開始放晴, 無雨啦, 令到我地安排好的儀式都可以順利進行, 非常開心. 當日真係要多謝各方好友既幫忙 (幫手吹Pipe的小馬騮; 操劍的鄧Sir, Elaine&Greg, Wallace, 戴C.H. & C.K; 幫我計設邀請卡及謝卡的Eva; 化粧的Kennis, 我們的兄弟姊妹團&各方好友, 當然還有我地既屋企人及幫我地Keep左張結婚証書成個晏就既Penny... ...) 至令到我地既婚禮攪得相當成功, 真係要再一次多謝你地,  無左你地既幫忙. 相信我地都唔會有一個咁難忘既儀式.  

除左一班朋友既幫助之外, 我倆都為左今次既註冊用左好多精力, 除左設計了以上三款邀請卡之外, 還... ... HandMade了4款被譽為"田亮與郭晶晶"閃卡 (Thank you Card)黎答謝大家, 我地用左好多個晚上去準備黎張Thank you Card, 由揀相, 設計, 晒相, 買紙, 做壓印, Cut 紙, 貼相及在卡紙上壓上印章... ... 都是我倆一手包辦, 真係做到手指頭都痛左成個禮拜架~~~ 哈哈, 不過估唔到出來既效果非常好, 大家對黎張"閃卡"反應好熱烈, 不消幾分鐘就派晒了, 你地既反應, 你地既搶購情況, 實在令我倆既驚又喜~~~   

<<真係好多謝大家鍾意黎份小禮物>>

 


arrow
arrow
    全站熱搜

    travelcake 發表在 痞客邦 留言(9) 人氣()