Travel 。CaKe

尋晚我地進行了一次Mission PoSsiBLE既行動 -- 1030中式大食會. 我們幾個小C奶非常認真, 一早已經商量好菜單, 務求以最快的速度做出最美味最有"住家飯"風味的中菜給大家品嚐品嚐. 當我們正努力玩緊"煮飯仔"既時候, 幾位男士竟然非常"他條", 走晒入房係到Shake Shake Leg 上網Bid 車喎... (其實我都唔知佢地究竟係到Bid麥???) 嘩!!! 真係唔好話女人鍾意買野, 其實男人買野仲瘋狂過D女人... 黎晚我地就研究到一個結論, 就係其實男人買起野上黎, 仲顛過D女人架!!!

哈哈~~~好啦! 言歸正傳, 經過個多小時既努力之後, 我地終於MiSSion Completed嘞! 等我介紹一下黎九餸一湯既配搭啦:

先黎一煲魚翅瓜椰子豬展湯潤下肺, 跟住就有: 魚香茄子煲; 煎藕餅; 

孜然豬仔骨; 西芹炒鮮魷; 中式牛柳; 老少平安; 炒菜芯; 豉油煎蝦 & 叉燒韮王炒蛋 (哈哈!老公唔記得影底最後果3味餸既相比大家睇... 唯有... 等下次有機會再煮先影啦)

唔好講咁多啦, 你睇我地個個幾急不及待? 蠢蠢欲動咁攞起筷子, 準備見餸就夾啦. 哈哈...

我好欣賞家寶整既魚香茄子煲, 雖然有少少辣(我唔食得辣) 但我都覺得個味好鬼正, 值得推介. 今次既gathering真係獲益良多, 以前成日以為每個人煮餸調味都係一式一樣, 但今次就發覺, 原來醃肉都有好多方法, 嘩! 我真係估唔到一個小小既步驟, 原來可以有咁多橋妙野架...