Travel 。CaKe

今日係SOGO感謝週年慶大減價既第一日, 我尋日睇報紙已經留意到, 亦都好有興趣, 尤其支葡萄籽酒 &北海道牛乳, 又平又吸引.

結左婚既女人, 唔知點解, 對行街買衫既衝動減少左, 反而對行Supermaket就越黎越有興趣. 今次SOGO大減價都一樣, 我最有興趣既就係行佢既超市!

我已經放左工準時6點離開公司, 行去銅鑼灣SOGO, 但估唔到, 未到六點半既SOGO超市已經人多到水洩不通, 連搵一個購物籃也很困難, 更可況搵一架購物車??? 我今次去SOGO, 最主要既目的係買葡萄籽酒, 日本版豬骨湯味的出前一丁公仔面及北海道3.6度牛乳. 我都唔算太晏去到, 但豬骨湯味既公仔面&北海道牛乳都竟然沽清!!!! 有無攪錯, 我明明去到超市時係見到好多好多豬骨湯公仔面架, 點知係我搵個購物籃既黎5分鐘左右就比人搶購一空??? 有無咁誇張???

超市內實在有太多人太多人, 有時仲有D交通擠塞添, 真係無唸到減少少價, 竟然吸引到咁多人(我就係其中一個) SOGO既marketing真係要記一功!!! 每年都攪到咁多人為佢而瘋狂. 尤其是我黎D 師奶仔. 上圖就係我既戰利品, 唔算好多啦 (但好鬼重架!), 但總算樣樣都係真品 :

葡萄籽油 => 今次比上次更便宜, 折實 = $33.80. 做戚風蛋糕唔用牛油用菜油, 所以最近支油用得好快, 買多次做後備都唔怕, 另一支係幫家寶買的.

高原1000L牛乳=> 折實$19.80, 北海道牛乳既代替品, 未試過好無飲, 但日本進口的, 應該都唔太差掛!!!

日本版出前一丁麻油味公仔面 => 折實$17.50. 買唔到豬骨湯味, 咪買包麻油味羅 (哈哈! 點都要有D收穫先得!!!)

意粉醬汁 => 折實$10.70 茄瓜蕃茄醬汁 & 香草蜆肉汁, 兩款之前都試過好好味, 唔想自己煮醬汁的話黎個係最佳選擇.

粟米湯味零食 => 折實 $9.90. 黎隻野之前係UNY買過, 每一粒都有好鬼濃郁既粟米湯味, 一路食一路好似飲緊粟米湯一樣, 好好好好好好好鬼好味, 買兩包係咪買得太少呢? keke...

粉紅色包裝蝦片 => 折實$4.50. 黎個係排緊隊比錢時見到, 手狠狠擺埋佢落購物籃.

其實仲有好多野想睇, 好多野想買, 不過超市內實在太多人, 行都行唔到, 咁唯有買住D先啦, 睇下過幾日仲有無時間去多次先... keke...

**減價期由11月15日至22日

************************************************************************************************

***由於Wretch Upgrade 緊, 攪到部份照片未能顯示出來, 因此, 我決定先把新網誌Post放在我的Yahoo blog做back up,(本來Yahoo blog只用作回應的, 現在成了我的後備blog) 直至Wretch Upgrade完成為止


如看不見圖片, 請Click 入 => 
http://hk.myblog.yahoo.com/jw!Qj_ymlCFGRn3D8sJNKs0ew--/article?mid=20&prev=36&next=18