Travel 。CaKe

尋日接到2個投訢. 1) 點解近排無左新遊記既? 2) 可唔可以整D 中菜? 

關於無新遊記, 其實我都想張之前去英法既資料Post出來(仲有新加坡&九寨溝), 但係編寫遊記真係要好多時間, 唔係話好似寫食譜咁兩下就攪點. 比D時間我, 我會快盡滿足你地既要求.

至於中菜lu 喎, 其實我每星期都會煮食, 時中時西, 但唔知點解, 煮親中菜就唔會羅起相機影相... 可能覺得煮中菜無西菜咁特別掛, 不過收到你地既投訢後, 好! 我以後會寫多D中菜出來. 今晚就先黎一個 " 高昇排骨" 啦. 

高昇排骨之所以有黎個名, 原因係佢既調味料份量係由1, 2, 3, 4 所組成, 有步步高升之意 (你又可以叫它個數字排骨). 先將排骨醃味落鑊炒至半熟, 然後將調味料倒入鑊, 收慢火煮至杰身(約30分鐘), 熄火上菜便可. 

調味料 : 
酒 1大匙，醋 2大匙，糖 3大匙，醬油 4大匙(老抽&生抽各一半)，清水 2杯。

同場加映木瓜花膠湯, 材料有木瓜, 花膠, 豬展, 粟米, 紅蘿蔔, 南北杏, 枸杞, 龍眼&蜜棗, 煲約2小時便可. 
高昇排骨原食譜出自愛在廚房