尋日終於Confirmed左機票啦! 踏出首爾之旅的第一步...梗係好開心啦!!! 不過機票就由原先的國泰機改為大韓航空. 

其實國泰(CX)或大韓(KE)我都OK, 因為話晒兩間都係大公司嘛, 不過好攪笑係當初我唔知有CX團體票賣, 咁我一心唸住訂KE的, 但當時旅行社同我講KE得返一個位, 但CX就有3個, 不過午去午返, 實際得3日玩, 必無他選(除非買正價機)之下, 咁唯有訂CX. 

點知尋日旅行社打比我, 又話CX唔成團, 叫我轉坐KE, 仲自動減收$100 (原先CX貴KE$90), 航班仲係中午去晚機返. 真係比CX好D. 咁我當然無問題啦, 立即簽返份文件Fax比佢, 晚上放工即刻去銅鑼灣比$$$ (Yeah Yeah~~)

今次都係我第一次訂團體票, 感覺真係有D冒險, 因為你要係出發前7-8日先confirm到個團係咪成團, 萬一唔成團的話真係唔知點算. (不過其實跟旅行團既情況都係一樣!) 好在我今次我既旅行時間都唔算超淡季, 話晒都係臨近復活節前夕, 加上連住星期六日. 好多人為左平D都會選擇假期前去旅行, 旅行完返屋企再來一個悠長~~~假期先返工. 

雖然訂團體票要冒唔成團或無機位(大旺季就好難訂到團體票!), 但好處是, 可以以便宜的價錢訂機票. 好像今次的首爾機票, 在CX及KE的網站查過, 最平的機票也要$2700及$2450, 但是團體票只需$1550(哈, 不過唔知係咪真, 因為最後都唔成團!!)及$1450, 慳返成千蚊, 足夠你訂數晚酒店了!!! 

不過機票點平都好, 機場稅, 燃油附加費等雜費是平不了的, 現在的稅項雜費真是驚人, 今次去首爾, 機票$1450, 但雜費竟然是$625, 差不多半張機票的價錢, 真係誇張!!! 唔知航空公司幾時會唔會再收燃油附加費呢??? 

機票已經Confirmed啦, 住宿都已經訂好了, 下一步要做的便是計劃行程, 換錢, 執行李 & 起飛 ~~~~  仲有7日咋, 真係好期待呀


arrow
arrow
    全站熱搜

    travelcake 發表在 痞客邦 留言(5) 人氣()