-7.jpg

唔知點解, 今朝起床後, 個頭鬼死咁痛, 仲越黎越痛添!!! 真係好鬼怕頭痛, 次次頭痛都攪到無晒心情, 連街都唔想出. 忍無可忍, 終於食左粒必利痛, 情況好似好D, 無咁痛, 但真係攪到勁無mood, 下午本來同老公&他的朋友一齊去飲茶... 最後只係老公一人去! 變相... 今日一個人係屋企忍痛靜修

尋晚租左韓戲<<醜女大變身>>返來睇, 又真係幾攪笑, 女主角(金亞中)個肥婆look其實都幾cute, 當然, 都係瘦版靚好多啦, 其實尋晚已經睇左次, 咁我見今日係屋企麥都唔想做, 咪又播多次黎睇, 唔係... 係播左2 次, 一次廣東話版, 一次韓文版 點解睇咁多次? 哈哈... 第1次係主要無聊所以睇, 但睇睇下, 就開始研究吓, 竟然女主角真人有沒有整容 (係咪好無聊呢???) 總結 : 我覺得個女主角有D似舒淇, 又有D似徐若瑄, 同時又有D似全智賢及金泰希.

今日除左睇戲, 就整左黎個合桃露, 其實本來唸住尋日朋友黎我家作客時整, 不過時間有限, 所以最後都無整到. 自己整, 感覺真係天然D, 不過我覺得今次個合桃露杰左少少, 下次再整的話, 或者可以加多D水又或者加少D米, 同埋, 一定要用紗布袋隔渣, 因為隔篩的洞較大, 唔可以隔晒D渣走.

合桃露  (份量: 4碗)

材料 :
去皮合桃 200g
白米         50g
水             4碗 (**原本我加3碗水, 但覺得太杰身)
糖             適量 (因應個人口味, 可選擇黃砂糖或白砂糖)      

做法 :
1. 白米洗淨, 以清水浸約半小時, 隔水備用.
2. 白鑊以小火炒香合桃 (約5分鐘)
3. 將白米, 合桃及水放入攪拌機內磨成糊狀. 
4. 用紗布袋(湯袋) 隔渣後倒入煲內以中慢火煮至稠杰, 加糖調味熄火.

arrow
arrow
    全站熱搜

    travelcake 發表在 痞客邦 留言(0) 人氣()