從來都無唸過, 原來菠蘿慕思係好難做的!!! 原因係菠蘿內有某一種酵素, 令到菠蘿很難跟魚膠粉/片混合而凝固的, 做咁多次慕思蛋糕, 今次真的被0黎個菠蘿考起! 

上個週末, 朋友來我家做這個蛋糕, 本來就想給她的Mr. Right一個驚喜... 點知... 最後失敗了, 唯有先買個蛋糕來頂替吧! 明明跟足食譜, 但唔知點解... 雪了6小時的慕思還是水汪汪, 質感就像溶了的雪糕一樣... 真係有點樣衰 (不過樣衰還樣衰, 味道的確很好, 菠蘿味十足) 幸好, 皇天不負有心人, 到最後都完成了一個小型版菠蘿慕思蛋糕. 都算沒有白費朋友的一番心機. 食家評論 : 質地還是有點軟身, 但菠蘿味十足, 好味!

菠蘿慕思 (參考大丸)
 
材料 : 
菠蘿果茸  120g (按做法1而成)
蛋黃 40g
砂糖 25g
魚膠粉 8g
淡忌廉 270g

做法 :
1. 慢火煮4片金菠蘿切粒, 加了10g 砂糖 & 2湯匙水來煮5分鐘, 中間不斷攪動以防黏底. 過篩隔去餘糖水後, 放入攪拌機攪碎搾汁, 再過篩隔走多餘果渣, 剩餘的果汁便是新鮮的菠蘿果茸了.
2. 果茸再次加熱. 蛋黃和砂糖攪勻後把果茸加入, 不斷攪拌以免蛋被煮熟, 然後隔水加熱至85度.
3. 把混合物加入魚膠片拌勻至完全溶解, 放涼至室溫溫度.
4. 忌廉打至7成企身後, 加入混合物內拌勻. 
5. 倒進餅圈內, 抺平慕絲表面, 放進雪櫃雪約3小時便可.

註 :
1. Step 2內把蛋糊隔水加熱至85度是有殺菌功效, 另外, 果茸再煮後會"收水", 分量會比之前少一點.
2. 餅底可以用海棉蛋糕, 杏仁蛋糕或消化餅餅底(加牛油). 
3. 菠蘿內有某種酵素, 不可以直接跟魚膠粉混合. 必須先把菠蘿煮過才能混合 (不過這個技巧我還未掌握得很好, 我嘗試用菠蘿汁+魚膠粉, 煮溶後用來做toping, 但最後都不能凝固, 最後只有把菠蘿汁倒出, 用上果膠來做toping)
4. 我用新觧的菠蘿, 味道較罐頭的香濃.

arrow
arrow
    全站熱搜

    travelcake 發表在 痞客邦 留言(0) 人氣()