Travel 。CaKe

唔知點解，每次我入廚房Beku都會跟埋黎，一係攞個“退役垃圾箱“係咁knock knock knock，一係玩地下塊木地台，不過最鍾意都係走來玩雪櫃門D磁石貼。Beku 真係無有怕，唔識死！為咗攞雪櫃的貼貼來玩，幾辛苦都要扶著雪櫃門企起身，對手伸得有咁高得咁高，誓要攞到貼貼為止，真係有得玩就麥都唔理了。

媽媽話每次佢黎，Beku都唔會爬出地蓆，最多只係對手係地蓆邊到拍下拍下，但係點解每次我入廚房佢都會走出地蓆跟住我呢？？？係咪因為我D語氣唔夠強硬呢？？？咁又係，有時唔太危險嘅地方我都會比佢爬比多D空間佢，因為我都好明白，當你越唔比佢去時，佢就越想去，到時可能就襯你見唔到就走入去，到時可能仲危險呢!!!

不過，從嚟個例子上可以看得出，Beku開始識得睇眉頭眼額，知道唔同人對佢嘅低線，所以婆婆係到，佢唔爬出地蓆，我係到佢會爬到去雪櫃玩，麻麻係到佢會好多聲氣扭扭計，爸爸係到會扭少D因為扭都唔會理佢。

(P.S. 嚟段片其實係4月11日拍，而家爬起身更加快捷無難度！）