老公細細佬結婚啦!!! 最近要幫佢地搵返我結婚時既過大禮既資料, 因為未來弟婦既媽媽話想以我地果個做藍本. 幸好, 我地將所有過大禮及回門利是都放在一起, 好好保存,  所以, 可以幫我Recall到當時過大禮既細節.

當時, 因為奶奶&媽媽都係第一次娶新抱&嫁女, 所以, 我就係網路上搵左D過大禮資料比佢地參考, 跟住就開了一個圓桌會議後, 決定一切從簡, 大部份以利是金代替(如:海味金, 魚金, 三牲金...), 只有其他必要的項目(如:椰子, 對聯, 龍鳳餅...), 我地就去搵餅家及結婚公司訂了禮餅及"男家過大禮套裝" & "女家回禮套裝"... 記得當時, 為免不小心漏了任何一個項目, 還特別加多兩封"其他利是金"添, 都幾攪笑.

過大禮, 你可以說是一門簡單的工作, 又可以說是複雜的. 正所謂各處鄉村各處例, 男家的習俗未必跟女家的一樣, 相反女家的又未必跟男家的一樣, 所以, 必需要雙方坐低傾吓細節, 尤其是... 最重要的禮金!!! 當然, 最好都是一對新人各自跟父母了解一下, 之後才相約雙方父母出來傾談, 一來可減少尷尬, 二來又可以令商談時間縮短&暢順. 

見細細佬既婚禮攪得如火如荼, 我都有D緊張. 我唸我都要積極減肥啦~~~

過大禮資料參考 : http://wedding.esdlife.com/content/chi/tradition/articles_c004.asp

過大禮套裝 : http://www.easy-wedding.com/WED.htm

奇華餅家 : http://www.kee-wah.com.hk/public/index.html

arrow
arrow
    全站熱搜

    travelcake 發表在 痞客邦 留言(0) 人氣()