Travel 。CaKe

花膠燉雞湯, 差不多是我每晚的飯後甜品, 之前有媽媽, 有奶奶幫我整, 每晚都用上明火燉上最少3小時, 很花時間. 現在的晚飯及飯後甜品都由自己來弄. 實在不可能花上3小時來燉湯(還未計之前的材料準備), 所以, 這2天我是用真空煲來燉湯, 味道都OK! 

每朝起身後, 未刷牙未洗面, 第一件事就是把材料"出"水後放入燉盅內(燉盅放入已注水的真空煲內膽內), 注熱水, 用明火煲滾水後收慢火繼續煲. 之後便慢慢刷牙洗面換衫食早餐. 到出門前才熄火把煲放入真空煲內.  放工後便立即把內膽煲取出用明火再煲1 -1.5小時, 加鹽調味後熄火便可飲用. 經過3天的測試後, 我覺得:

1. 由真空煲取出後煲1小時 -> 味道比用明火的清淡, 龍眼肉還有少少果味.
2. 由真空煲取出後煲1.5小時 -> 味道跟用明火煲3小時差不多.龍眼肉已沒有味道. 

有興趣不妨一試!

** 花膠燉雞湯材料 : 花膠, 雞(去皮), 瘦肉, 龍眼肉, 陳皮. (也可加入淮山, 枹杞同煲)